Cebuano News: Arsobispo miawhag pag-ampo alang sa limpiyo'g malinawong eleksiyon
by Roberto M. Cabardo
Cebu City (April 10) -– Ang arsobispo sa Sugbo, Ricardo Cardinal Vidal nihangyo sa katawhan sa pag-ampo alang sa malinawon og limpiyo nga eleksiyon karong Mayo katorse.
Sa iyang wali sa pagsaulog sa Domingo sa pagkabanhaw, si Vidal nanghinaut sab nga duyugan siya sa katawhan pag-ampo nga ang mga modaug nga kandidato mao unta ang ligdong og tinuoray nga moserbisyo sa katawhan og dili sama sa pipila ka mga kasamtangang opisyal nga bakakon, kurakot, og hakog sa gahum.
Sa nasayran, ang Cardinal usa sa mga lider sa Katolikong simbahan sa nasod kansang mga panahum gitahud sa mga sakop sa politikong oposisyon og administrasyon. (PIA Cebu) [top]
