Cebuano News: Pag-ibig Fund dagha’g pondo para loans
by Roberto M. Cabardo
Cebu City (April 10) -- Giawhag karon sa labawng opisyal sa Pag-ibig Fund kon Home Development and Mutual Fund ang ilang mga miyembro nga gagikan sa pribado og publikong sector sa pag-apply og loan alang sa ilang mga panginahanglanon sama sa balay og tuition sa eskwelahan.
Kini maong pag-awhag gihimo sa 2006 TOYM Awardee for government service og Pres. og Chief Executive Officer mismo sa Pag-ibig Fund nga si Atty. Romero Federico Quimbo sa iyang pagbisita sa Sugbo sa niaging semana.
Matud ni Quimbo, ang Pag-ibig padayong nikita og dako karong tuiga og adunay saktong pondo aron ipahulam sa mga miyembro niini. Dinhi sa rehiyon 7, gibana-bana nga dunay 500 ka libo ka mga miyembro sa Pag-ibig Fund. (PIA Cebu) [top]
