Cebuano News: PGMA naguol apan kalma human sa hitabo ni FG
Ni Rebecca Cadavos
Manila (12 April) -- Si Presidente Gloria Macapagal-Arroyo nagpabilin nga malig-on atul sa operasyon ni FG Mike Arroyo, ang mga kaalyado nagtan-aw human sa pagbisita sa Chief Executive didto sa St. Luke’s Medical Hospital.
Si Environment Secretary Angelo Reyes miingon nga ang Presidente wala mohilak. Matud pa ni Administration Senatorial bet Butch Pichay nga si Mrs. Arroyo sa iyang kaugalingon kalma nga mipasabot sa pamaagi nga gihimo ngadto ni First Gentleman.
Samtang, nagpasabot sa pagkompleto sa operasyon ang Presidente ug ang iyang pamilya, mipahimulos sila sa panahon sa pag-atindir ug misa ug pag-ampo alang sa paspas nga kaayohan ni FG Mike.
Bisan natan-awan nga siya naguol, si Solicitor General Agnes Devanadera nag-ingon nga si PGMA nagpabilin isip Presidente didto sa hospital. Siya nakit-ang nahuwasan human gihimo ang maayong operasyon.
Ang bag-ong pahibalo sa kahimtang sa panglawas ni FG nga siya permanente na ang kondisyon human sa malamposon nga “emergency aneurystectomy surgery” ug triple- by-pass kaniadtong Lunes sa buntag.
Ang iyang mga doctor naghimo ug pagbantay kaniya sulod sa sunod nga mga duha ka adlaw. Ang myembro sa Unang Pamilya nagpasalamat niadtong nag-ampo ug mibisita aron paghatag kaniya ug suporta.
Ang Malakanyang sa kasamtangan naghangyo sa mga kritiko sa pagpadaplin sa politika hinuon, mag-ampo alang sa kaayohan sa First Gentleman. (PIA-Maasin) [top]
