Ni Rebecca Cadavos

Manila (18 April) -- Ang hitabo sa kapobrehon sa nasud nagpadayon sa pag-us-us, kana tungod sa pagsalig sa ekonomiya ug malambuon-pagdawat ug mga programa pagsuporta sa kapobrehon ubos sa administrasyon ni Arroyo.

Kapin sa tulo ka milyon ka mga Pilipino sa pagkakaron nakahaw-as gikan sa hilabihang kalisod sukad sa tuig 2000, si Cabinet Secretary Ricardo Saludo miingon sa iyang pakigpulong kagahapon, kinsa nagtahu sa report sa World Bank, ang nag-unang institusyon alang sa kalambuan sa tibuok kalibotan.

Ang WB nagbanabana nga sa kataposan ning tuiga, aduna lama’y 8.4 porsyento sa mga Pilipino mabuhi sa usa ka dolyar matag adlaw – ang normal diin ang gikaingon nga institusyon nagsukod sa dakong kalisod.

Si Saludo nagpahayag sa WB nga kalkulasyon nga nagsustinir sa nagpadayon nga kalambuan sa ekonomiya sa Pilipinas, diin gibanabana nga mosaka ngadto sa 5.7 porsyento karong tuiga.

Subay niini, ang WB nagtuo nga ubang tulo ka milyon makalingkawas sa hilabihang kalisod, o pagkaubos ngadto sa 8.4 porsyento sa kataposan sa 2007 gikan sa 13.5 porsyento sa 2000, kini nagpasabot sa pagtangtang ug 5.1 porsyento, matud pa sa pigura nga gihatag sa WB nga gipagawas sa “East Asia Update: Managing Through a Global Downturn.”

“Karon nga ang gobyerno naka-usbaw sa pundo ug kita, ang pampublikong inprastraktura ug pampublikong pagpanerbisyo siguradong mosunod, diin makahatag ug opurtunidad sa panarbaho ug pagpalapad sa edukasyon, maayong panglawas, paghatag ug balay ug ubang mga serbisyo alang sa katawhan,” matud pa ni Saludo.