Cebuano News: Arroyo magtanyag sa non-wage benefits sa Adlaw sa Mamumuo
by Rey Anthony Chiu
Manila (25 April) -- WALA may pagtaas sa suholan sahi sa naandan nga mga Adlaw sa mga Mamumuo, Mayo 1, gipaabot nga ang mga regional wage boards makahipno na sa ilang mga desisyon sa usbaw sa suholan sa umaaabot nga Hulyo.
Kini samtang si Presidente Gloria Macapagal-Arroyo magpadayag sa lain na usab nga mga non-wage benefits sa pagsaulog sa, butyag ni Labor Secretary Arturo Brion.
Una na nga gikahadlok sa mga negosyante sa mga rehiyon nga ipatuman ang legislated wage increase nga tumbas sa P125 across the board tungod kay kini mahimong may negatibong epekto sa local nga ekonomiya.
Matud nila, samtang gimugna segun sa balaod ang wage boards, unta hatagan usab kini sa katungod pagdesisyon sa tinud-anay nga panginahanglan sa mga rehiyon.
Dungan niini, kasamtangan pang gitimbang timbang sa mga wage boards and mga petisyon sa usbaw nga giduso sa mga pundok sama sa Trade Union Congress of the Philippines, kinsa nangayo sa P75 nga usbaw.
Sa nasudnong kasaulogan, gipaabot hinuon nga itanyag ni Mrs. Arroyo ang non-wage package sama sa nag-unang panginahanglan, pagkaon, pabalay, kasanihan ug usa ka espesyal nga gasa alang sa mga empleyado sa kagamhanan, dugang ni Brion. (PIA) [top]
