Cebuano News: PGMA gideklara ang Mayo 14 isip special public holiday sa tibuok nasud
Ni Rebecca Cadavos
Maasin City (26 April) -- Si Presidente Gloria Macapagal-Arroyo nag-isyu sa Proclamation No. 1279 diin nagdeklara sa Lunes, Mayo 14 isip special public (walay trabaho) holiday sa tibuok nasud “aron paghatag sa mga tawo sa kinadak-an nga oportunidad paghimo sa ilang katungod sa pagboto” karong umaabot nga nasudnon ug lokal nga eleksyon.
Sa iyang senemanang press conference sa Malakanyang kagahapon, si Executive Secretary Eduardo Ermita nag-ingon nga ang Presidente mipirma sa proklamasyon niadtong Martes, Abril 24.
Sa maong proklamasyon, ang Presidente nagpahayag nga ang “Lunes, Mayo 14, 2007, kinahanglan nga ideklara isip special public (walay trabaho) holiday aron paghatag sa katawhan sa painakadakong opurtunidad pagbuhat sa ilang katungod sa pagboto.” (PIA-Maasin) [top]
