Cebuano News: Palasyo kumpyansa sa panagsabot sa kalinaw sa GRP-MILF nga mobalik human sa eleksyon
By Rodrigo S. Victoria
Manila (27 April) -- Ang Malacañang mihatag ug kumpyansa kagahapong adlawa nga ang naundang nga panagsabot sa kalinaw tale sa Moro Islamic Liberation Front (MILF) mobalik dayon human sa mid-term nga eleksyon sunod bulan.
Si Press Secretary ug Presidentail Spokesman Ignacio R, Bunye nagkanayon nga ang kumpyansa sa gobyerno gumikan sa interes sa tanang hingtugndan nga mga partido, nga naglakip sa Estados Unidos, Japan ug mga myembro sa Organization of Islamic Conference (OIC) aron sa pag-undang sa kagubot.
“Ako nagtuo nga kadtong mga partido nga gusto kaayo sa pag-undang niiini nga nagpadayon nga mga kagubot ug adunay mga langyaw nga apil nga dako ug kalabtanan niini,” siya nagkanayon.
Si Bunye nagkanayon nga diha sa Cabinet Cluster meeting niadtong Martes, si Presidente Gloria Macapagal Arroyo mimando sa panel sa kalinaw sa gobyerno sa paghimo ug dugang pagtuon ug mga konsultasyon dungan sa bag-o nga kagustuhan sa MILF nga naglakip sa tibuok probinsya sa Sultan Kudarat isip kaparte sa bag-o nga Autonomous Region in Muslim Mindanao (ARMM).
Siya nagkanayon nga adunay ubay-ubay nga mga butang sa negosasyon nga gi-estoryahan ug gitiman-an, apan iyang giklaro nga “wala pay klaro nga desisyon” nga gihimo sa undanon nga mga isyu diha sa panagtigum niadtong Abril 24.
Ang panagsabot sa kalinaw nga gipasiugdahan sa gobyerno sa Malaysia temporaryo nga nahunong sa Septyembre sa miaging tuig human ang tagsa ka mga partido wala magkasabot diha sa isyu sa ancestral domain. (PIA-Biliran) [top]
