By Rodrigo S, Victoria

Manila (28 April) -- Sa ngalan sa akong pamilya, akong bana nga si Mike ug mga anak nga si Mikey ug ang iyang asawa nga si Angela, Luli ug Dato ug ang iyang asawa nga si Kakai. Akong gipaabot ang akong halawom nga pahisubo ngadto sa pamilya ug mga amigo sa mipanaw nga si Rizal Yuyitong-sa iyang kapikas sa kinabuhi nga si Veronica, nga mauy nagkaplag kauban nako ug ang mga kahigalaan sa Association for Philippine-China Understanding, sa iyang mga anak ug mga kapikas sa kinabuhi, mga apo, iyang mga igsuon nga babaye ug uban pa nga mga paryente.

Si Rizal Yuyitong usa niadtong nalain nga mga tawo diin ang personal ug propesyonal nga integridad mauy nagdala niya ngadto sa kinatung-an nga entablado sa politika. Sama sa bayani diin siya gihinganlan, si Rizal migamit sa pagsulat nungka ang paggamit sa kusog sa pagpakig-away aron magmadaugon ang kamatuoran, ug. sama sa maong bayani, siya gitaral sa paglaban sa mga ideyalismo sa iyang propesyon.

Isip usa ka magsusulat diha sa mga naglugitom nga mga adlaw paingon ngadto sa Martial Law ug isip editor sa basahon nga gikaplag sa iyang amahan-ang Chinese Commecial News o CCN, si Rizal mimantala diin ang uban wala mosuway pagmantala, diin kini naghimo sa CCN, nga pinakadugay nga pamantalaan sa intsik nga lengwahe sa nasud, gikan sa usa ka pamantalaan sa negosyo ngadto sa usa nga nagpukaw ug nagpahalapad sa panghuna-huna sa politika. Siya ug ang iyang pamantalaan nakakuha sa kasuko sa diktador nga nahadlok sa kamatuoran.

Apan, si Rizal mapasigarbuhon sa pagkahibalo nga ang pamantalaan nga sa makausa pa gisirhan nagmalambuon ug may bag-o na nga panuyo karon. Karon ang CCN nakaabag ngadto sa pagkabalhin sa lokal nga komunidad sa mga Intsik ngadto isip kabahin na sa daghan nga etniko sa katilingban, diin kini nagpakita sa bag-o nga kamatuoran-ang panginahanglan sa pagkahiusa.

Si Rizal nagsilbe nga pinakamaayo nga ehemplo ngadto sa bag-ong henerasyon sa mga magsusulat, ug sa mga tigpasiugda sa demokrasya.. Imbes nga magpunla sa pagbuwag-buwag, atong itisok ang mga liso sa pagkahiusa aron kini mamunga ug mauy magtapos sa kakabus, ang tinubdan sa daghan nga mga kalisdanan sa katilingban.

Ako nagtuo nga daghan dinhe kanato ang swerte nga nakahimamat sa iya ug sa iyang pamilya nga daghan ug mga kaagi kang Rizal isip bana, amahan, apuhan, igsuon, uyuan, ug amigo apan ngadto sa nasud nga iyang gibiyaan diha sa iyang kamatayon, siya mahinumduman isip de-prinsipyo nga tawo nga mihatag sa iyang boses ngadto sa kamatuoran bisan pa ubos sa hadla sa kamatayon. Ang mga Pilipino sa tibuok katuigan makahinumdum nga, pinaagi sa reponsable nga pagpanulat, siya mitabang sa pagmentenar sa demokrasya.