Cebuano News: PGMA nanguna sa paglusad sa P2.3-bilyon sa Cebu Coastal Road project
By Erna Gorne
Southern Leyte (30 April) -- Ang buhatan sa Department of Public Works and Highways (DPWH) andam na sa pagsugod sa konstruksyon sa Php 2.3 bilyones sa Cebu North Coastal Road Project (CNCRP) human gipangunahan ni Presidente Gloria Macapagal-Arroyo didto sa Paknaan, Mandaue City late Friday.
Kauban sa presidente sa paglusad mao sila Public Works Secretary Manuel Bono-an ug Kalihim sa Turismo nga si Ace Durano.
Ang CNCRP mag-lakip sa mga lungsod sa Mandaue, Consolacion ug Lilo-an, pulos mga lungsod nga nahimutang sa western seaboard sa isla sa Cebu.
Sa gitas-on nga 9.45 kilometros nga pagahimoon ang konstruksyon sa upat ka linya nga highway, usa sa mga dagkong mga proyekto sa Metro Cebu. Kini nag-apil sa kinatibuk-an nga mga kadalanan ug kini buyon sa kasamtangan nga halapad nga north-south nga linya, matud pa sa DPWH.
Ang proyekto, kini nagtinguha sa pag-palapad sa ekonomiya sa maong dapit, naglambigit sa duha ka kontrata, ang una nag-apil sa gikasugyot nga 1.39 kilometro sa Cansaga Bay Bridge nga mokantidad sa Php 1.45 bilyones.
Ang maong tulay adunay gitas-on nga 684l13 ka metros samtang ang iyang mga “approaches” nakabaton sa gitas-on nga 415.76 ka metros (unang approach) ug 294.36 ka metros alang sa ikaduha nga approach.
Mokabat sa Php 100 milyones ang gi-una sa pag-hatag ngadto sa pagkuha sa road-right of way ug parte sa mga civil works alang sa mg approaches sa gisugyot nga Cansaga Bay Bridge. (PIA Southern Leyte) [top]
