Manila (2 May) -- Kabahin sa pagsaulog sa adlaw sa mamumuo karong tuiga, si Presidente Gloria Macapagal Arroyo nag-inagurar kagahapon sa upat ka andana nga "workers' inn" sa Manila alang sa mga urban workers kansang mga panimalay tua mahimutang sa lugar diin kini layo sa pagbiyahe gikan sa Manila.

Gitawag nga "Gwapotel: Tulugan ng Bayan", ang sama sa dormitoryo nga estelo nga bed and bath facility maoy inusang proyekto tali sa Metro Manila Development Authority (MMDA) ug sa National Power Corporation kon Napocor.

Anaa mahimutang sa maayong lugar sa kanhi usa Napocor Building lumbay sa Bonifacio Drive sa Port Area sa Manila, ang temporaryo nga sak-anan nga gitawag usab ug "PGMA's Workers' Inn", maghatag sa sumasaka ug usa ka kwarto nga mahimong siyang mo-estar suod sa napulo ka oras sa barato nga bayad nga P25.

Mingtambong usab uban sa Presidente mao si MMDA Chairman Bayani Fernando, Napocor Chairman Cyril del Callar ug si Department of Science and Technology (DOST) Secretary Estrella Alabastro atol sa ceremonial unveiling sa marker ug ribbon-cutting activities aron pormal nga ablihan ngadto sa publiko ang pasilidad nga katulogan ug kaliguan.

Sumala pa kang Fernando, ang Gwapotel nga adunay 700 ka mga higdaanan gimugna ubos sa programa sa Presidente alang sa mga kabus nga aron kahatagan ug limpyo ug barato nga puy-anan ang matag Pilipino labi na kadtong mga molupyo nga taga probinsya nga anaa mag trabaho sa Manila.

Si Fernando nagkanayon nga ubos sa PGMA's Workers' Inn program, ang Gwapotel gi desinyo aron paghatag ug barato nga temporaryo nga katulugan ug kaliguan alang sa mga mamumuo kansang mga panimalay layo sa ilang gitrabahoan sa Metro Manila.

"Ang Gwapotel maghatag ug dugang nga panahon sa pagpahuway alang niadtong mga mamumuo nga mobyahe pa ug layo gikan sa ilang panimalay sa probinsya", matod pa ni Fernando dugang ang pag-ingon nga ang maong proyekto maoy usa sa mga wage benefits nga gihatag sa President ngadto sa mga mamumong Pilipino atol sa pagsaulog sa Adlaw sa Mamumuo kon Labor Day karong adlawa.

Ang dormitory-style nga Gwapotel gibahin sa mosunod: ang ika-tulo ug ika-upat ka ang-ang gitagana nga katulugan ug kaliguan alang sa mga laki nga customers samtang ang ika-duha ka ang-ang gitagana alang sa mga baye nga kliyente.

Ang vendors' markaet nga anaa mahimutang sa ground floor kon unang andana maoy mahimutangan sa magbaligya ug mga pagkaon ug mga pangunang kinahanglanon.

Ang mga sumasaka pagasuktan ug P25 alang sa 10 ka oras nga pag estar uban na niini ang pagkaligo. Diha sa iyang pagbayad, ang customer tagaan ug token nga iyang gamiton aron pag aktibar sa token-operated nga shower. Ang matag shower adunay mokabat ug 40 litros nga tubig o mokabat ug otso minutos nga padayon nga awas sa tubig.