Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/05/02

Cebuano News: PGMA mipadayag sa komprehensibo nga Labor Day package

By Lanie Pitao-Tupaz

Manila (2 May) -- Si Presidente Gloria Macapagal-Arroyo mibutyag kagahapon nga adlaw sa komprehensibo nga Labor Day package nga matod pa niya mao ang paagi sa iyang administrasyon pagdala sa mga benepisyo sa makusog nga ekonomiya ngadto sa matag trabahador.

Sa iyang pamulong atubangan sa mga lideres sa mga labor union ug mga trabahador, si Presidente mipahibalo sa mga benepisyo alang sa mga trabahador sa gobyerno sama sa mosunod:

  • 10% nga pagtaas sa sweldo sugod sa Hulyo niini nga tuig;
  • P5,000 nga pautang alang sa microfinance nga walay kolateral sugod karon nga adlaw;
  • 10-month salary loan nga ma-avail sa GSIS; ug
  • Pagpakusog sa Social Security System kon SSS Flexi-Fund alang sa mga overseas Filipino workers kon OFWs ug uban pang mga mamumuo.

Ang OFW Pension System, matod pa niya, gisigihan na ug trabaho, ug ang Bangko Sentral ng Pilipinas mohimo ug lakang sa pagpakubos sa balayranan sa pagpadala ug kuwarta nganhi sa Pilipinas gikan sa laing nasud.

Gawas pa sa 10-month salary loan, ang GSIS mopausbaw sa ilang scholarship grants, mopamubo sa ilang interest rate, mopa-restructure sa mga housing loans, mopataas sa suporta sa hospitalisasyon, ug mipauswag sa ilang serbisyo pinaagi sa computerization.

Ang Overaseas Workers Welfare Administration kon OWWA naggahin ug P50 milyones alang sa pagpauswag sa kinaadman sa mga seamen ug aron sila puwede na mahimong nga engineers ug deck officers.

Ang Philippine Charity Sweepstakes Office kon PCSO migahin ug pondo alang sa Migrant Workers Scholarship Fund samtang ang Bureau of Immigration and Deportation kon BID magwagtang sa mga escort services sa mga airports ug seaports.

Alang gihapon sa mga OFWs, ang Philippine Overseas Employment Administration kon POEA mogamit ug 10% sa ilang kita aron mapakusog ang kampanya batok sa illegal recruitment.

Alang niadtong uban pang mga mamumuo, ang Department of Labor and Employment kon DOLE migahin ug pondo alang sa pakabuhian sa mga ginikanan ug pamilya sa mga child laborers sumala pa sa prinsipyo sa Child Labor Program sa International Labor Organization, matod pa ni Presidente.

Ang Pag-Ibig fund mopagawas ug P6 bilyones alang sa mga dividends sa ilang mga miyembro ug laing P30 bilyones alang sa pautang sa tuition ug mga panginahanglan pangmediko sa higayon sa kapit-os.

Sa pagprotekta sa mga nangita ug trabaho kinsa makagasto ug dagko tungod sa pagpinangita ug trabaho diha sa internet nga dili diay tinuod, si Presidente mimando sa DOLE pagsugod ug pag-imbistiga sa job web sites.

Ang grupo sa mga mamumuo mihingalan na sa ilang mga gusto sa una pa, lakip na ang pagbutang ug Internet Monitoring Office sa DOLE tungod sa pagkaylap sa maanindot kaayo nga mga job sites apan mga peke ra diay.

Nangayo usab sila ug exemption sa buhis alang niadtong mokita lamang ug P15,000 matag bulan paubos, ilabi na kadtong gagmay ra ug suweldo.

Alang niadtong mga trabahador sa asukarera, tukoron sa Rehiyon III,VI, ug X ang Sugar Livelihood Centers nga nagkantidad ug P25 milyones. Lain pang P12.6 milyones ang reserba alang sa Sugar Workers Socio-Economic Program, matod pa ni Presidente.

Samtang si Press Secretary Ignacio Bunye miingon nga ang Labor Day package ni Presidente nag-ehemplo sa bunga sa tripartite consultation nga gigamit aron makahimo ug kusganon nga nasud ug maayo nga ugma alang kanatong tanan.

Siya midugang nga ang nahimo sa administrasyon pagmugna ug mga trabaho, pagpalambo sa mga kinaadman, pagbansay, ug pagseguro sa kalinaw sa industriya mao ra usab ang makasulti kung unsa na ang nakab-ot sa gobyerno.

Ang hagit alang sa matag adlaw mao ang adlaw sa nasudnong garbo ug kamabungahon sa tanan mamumuo, lakip na ang mga OFWs. Usa kini ka dungganong hagit nga nakahatag ug inspirasyon sa gobyerno sa pagbutang sa mga bag-ong benepisyo ug programa aron makab-ot sa mga mamumuo ang ilang mga panginahanglan, matod pa ni Bunye.

Ang Labor Day gilaan alang sa matinud-anon nga pagserbisyo sa mga Pilipinong mamumuo dinhi ug sa gawas sa nasud aron mapauswag and atong ekonomiya. Alang sa ilang kaayohan nga ang nasud nagkinahanglan sa magkahiusang plataporma alang sa panaghiusa sa nasud, ug panagsabot alang sa kaayohan sa tanan sektor sa katilingban, sumala pa ni Bunye.

Si Bunye midugang nga sa atong pagsulod sa panahon sa kampanya, atong hatagan sa importansiya ang mga mamumuo pinaagi sa paghisgot sa mga isyu nga duol sa kasingkasing sa matag Pilipinong mamumuo ang mao ang desenteng sweldo, seguridad sa trabaho, pinuy-anann, ug maayong kalidad sa panginabuhi. (PIA Biliran) [top]

|«  prev  next  »|
DAILY NEWS LIST:
»Shellfish ban lifted in Region 8, still imposed in 5 areas of RP
»DA assistance to food agribusiness sector continues - Yap
»Northern Mindanao remains peaceful and orderly - PNP
»Region 8 disaster council tackles 2007 Gawad Kalasag search
»DepEd statement on Isabela bus accident casualties
»Feature: Nurturing regional and local growth
»Region 8 human rights body undertakes forum on right to suffrage
»Statement of the President on Woman Suffrage
»Statement of Secretary Ignacio R. Bunye on Labor Day
»PGMA inaugurates "workers' inn" in Manila
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines