by Flor Jackson

Naval, Biliran (9 May) -- Tungod sa iyang kabalaka sa daghang mga panghitabo nga may kalabutan sa Mayo 14 nga piniliay, si Presidente Gloria Macapagal-Arroyo gahapong adlawa nag-ingon nga kanunay niyang gibalikbalikan pag-ingon si Philippine National Police (PNP) Director General Oscar Calderon aron maghimog dugang nga lakang aron mapugngan ang pagsaka sa kasamok.

‘Sa panahon sa eleksiyon, atong gi-ampo nga ang kasamok dili mo daghan inig abot na sa adlaw sa piniliay”, matod pa ni Presidente Arroyo diha sa iyang pag diskurso atol sa 1st Tripartite Convention sa Philippine Association of Detective and Protected Agency Operators, Incorporated (PADPAO) ug sa Philippine Association of Recognized Security Training Schools, Incorporated (PARSTSI).

Ang Presidente miingon nga iyang kanunayng gipahimatngonan si Calderon mahitungod sa mga kasamok sa piniliay

“Sanglit anaa ako sa iyang likod, pirmi nakong gibalikbalikan pagsulti si Heneral Calderon, naningkamot ug nag himog lig-on nga mga lakang aron pag panalipod sa mga kandidato, sa mga botantes ug ang ilang mga botos”, matod pa ni Mrs. Arroyo ngadto sa mga ning tambong sa maong katigum nga nagalakip kang Calderon, ubang mga opisyales sa police ug ni Undersecretary Marius Corpus.

Bisan ang mga security guards

Aron paghatag ug duon sa kakinahanglanon sa dugang nga tabang, si Presidente Arroyo nagtawag sa mga security agencies ubos sa PADPAO ug sa PARSTSI sa pag uban sa kampanya aron undangon ang kasamok.

"Atong itumong ang atong gihiusang mga paningkamot ngadto sa pagpakubos sa kasamok, ug kini ang hinungdan nga akong gipangayo sa security agencies nga motabang aron masiguro ang usa ka malinawon nga piniliay”, matod pa niya.

Ang PADPAO adunay 2,500 ka mga security agencies ubos sa ilang pagdumala nga adunay 450,000 ka mga security guards.

Sa sayo pa, ang Presidente nagtawag sa Armed Forces of the Philippines (AFP) sa pagtabang sa PNP nga mag tukod ug mga checkpoints.

Ang AFP gitukahan sa ubos-ubos nga gimbuhaton human lamang mahilambigit ang mga heneral ngadto sa gi-alegar nga pag maniobra sa 2004 presidential elections aron masiguro ang kadaugan ni Mrs. Arroyo.

Pinaka dugoong adlaw

Ang pagduso sa Presidente kang Calderon mahitugnod niini nga isyu nahimugso kahuman lang sa hitabo diin 11 ka mga tawo ang gipusil sa ning-aging Biyernes sa nagkalin-laing dapit sa Luzon sa gitawag nga pinaka dugoong adlaw sa kampanya.

Unom ka mga supporters ug mga kabanay ni Mayor Cecilia Luna sa Lagayan, Abra ang gipatay dihang ang nagpusil miparakrak ug bala sa iyang sakyanan.

Samtang ang re-eleksiyonista nga si Mayor Alex Aranas sa Mindoro Oriental gisakmit sa gisuspetsahang mga rebeldeng komunista nga ningpatay sa duha sa iyang mga bodyguards samtang ang police officer sa Albay nga midagan sa pagka konsehal gipusil patay usab.

Malinawon, katuohan

Sa Bulacan, ang pag pinusilay tali sa mga sundalo ug sa mga bodyguards ni Bocaue Mayor Educardo Villanueva, anak ni Evangelist Brother Eddie Villanueva ning resulta sa pagkamatay sa usa ka sundalo.

Ang Presidente nag-ingon nga ang Mayo 14 nga piniliay kinahanglan nga dili lamang malinawon apan usa ka katuohan.

“Ang pamaagi sa politika dako usab ang ka mihunangdanon sa resulta sa politika. Ug atong masiguro nga ang eleksiyon mahimong gawason ug ang tinuod nga pagbuot sa mga tawo maoy mopa tigbabaw” siya miingon.