Cebuano News: Gobierno milihok sa pagsulbad sa balik-balik nga problema matag abli sa tunghaan
By Erna Sy Gorne
Manila (21 May) -- Ang kasagran nga kakulang sa kuwarto sa tulunghaan,mga libro ug magtutudlo nga kanunay masinati matag abli sa eskwelahan sa nasud gi-paabot nga dili na mahitabo samtang ang gobierno nag-apil niining balik-balik nga problema ingon nga nag-una nga tinguha karong tuiga.
Sumala sa tahu sa nag-una nga mga proyekto ni Presidente Gloria-Macapagal Arroyo ug mga panginahanglan nga gihatag kaniadtong Martes, Si Cabinet Secretary Ricardo Saludo, miingon nga mokabat sa 412,707 ka mga kuwarto sa tunghaan karon andam na alang sa pag-gamit ning umaabot nga pagsugod sa ting klase.
Ang Department of Education sa sayo pa mikab-ot sa pag-paubos sa kakulang sa mga klasroom gikan sa usa ka klasrom sa matag 45 ka estudyante ngadto sa usa ka klasroom nagdto sa 30 ka estudyante sa tuig 2010.
Sa pagtubag sa kaguot sa segundirya nga eskwelahan diin walay gitugot nga doble nga pagpulipuli, mokabat sa 63,000 vouchers ang pagagamiton, matud pa ni Saludo.
Matud pa Secretary Saludo ang gobierno nakabaton ug mag-apod-apod ug 105.7 mliyones ka mga libro sa tanang mga publiko nga tulunghaan alang sa nagpangunanga nga mga subject sama sa English, Mathematics ug Science.
Mokabat sa 17 milyones ka mga estudyante ang maka-benepisyo ug nagtinguha nga makahatag ug usa ka libro matag estudyante sa tanang nag-unang mga subjects.
Aron sa pagsulbad sa problema sa kakulangsa mga magtutudlo, mokabat sa 617 ka mga education supervisor ng a posisyon, 1,458 ka mga Principal I items (1,359 sa elementarya ug 99 sa segundarya nga hut-ong0 ug 5,103 ka mga teacher 1 items ang gimugna.
Ang gobierno usab nag-tinguha sa pag-mugna ug 16,000 nga bag-ong item sa magtutudlo karong tuiga aron sa pagkab-ot sa kahimtang nga usa ka maestro ngadto sa 45 ka mga estudyante sa tanang publiko nga tunghaan tibook nasud ug pagsulbad sa kakulang sa magtutudlo sulod ning tuiga. (PIA Maasin) [top]
