Cebuano News: TU ngadto sa Comelec: Ibutyag ang election returns sa Maguindanao
By Rodrigo S. Victoria
Manila (22 May) - Ang Team Unity nagkahiusa sa panawagan ngadto sa Commission on Elections (Comelec) sa pagsapubliko sa election returns sa probinsya sa Maguindanao aron paglimpyo sa ilang pangalan sa gialegar pagpanlimbong sa maong dapit.
Si TU spokesman Joseph "Ace" Durano nagkanayon nga ang Comelec kinahanglan nga mopagawas dayon sa election returns (ERs) sa mga dapit nga gikwestyon sa maong probinsya.
Mga magtutudlo miangkon nga pipila ka oras usa ang Mayo 14 nga eleksyon, sila gipwersa sa pagsulat sa balota sa mga pangalan sa TU nga mga kandidato pagkasenador nga sila si Luis "Chavit" Singson ug Prospero Pichay.
Ang Comelec mopagawas pa sa ERs sa Maguindanao diin ang TU miangkon sa kadaugan nga 12-0 sa lumba sa senado.
"Ang pagklaro lang sa integridad sa mga election returns mao ang makapawala sa gialegar nga anomaliya," matud pa ni Durano.
Si Durano nagkanayon nga ang kampanya sa TU milambigit sa eleksyon "base sa tumong sa kalambuan ug proseso sa eleksyon nga malinawon ug matinud-anon."
Siya nagkanayon nga ang administrasyon wala malambigit sa bisan unsa nga panlimbong.
"Ang Team Unity misuporta sa bisan unsa ug sa tanang paningkamot sa paglaban sa integridad niini nga eleksyon," siya midugang.
Si Durano miangkon nga ang proseso sa eleksyon nagpabilin nga "depektoso" ug kinahanglan ang mga reporma himuon aron pagpamaayo niini.
Siya midugang nga ang pinakamaayo nga butang nga himuon sa Team Unity mao ang pagtrabaho kauban sa Comelec ug National Movement for Free Elections (Namfrel) aron maseguro nga ang mga election returns walay limbong. (PIA-Biliran) [top]
