By Rodrigo S. Victoria

Manila (22 May) -- Ang departamento sa agrikultura sa Pilipinas sa pagkakaron nakighinabi sa mga representante sa European Union, Middle East, China ug uban pa nga mga ekonomiya sa Southeast Asia aron sa pagtugot sa pagsakob sa mga manok sa nasud ngadto sa pagbaligya sa gawas.

Sa usa ka mensahe ngadto sa media, si Agriculture Secretary Arthur Yap nagkanayon nga ang iyang departamento mihimo niini agi ug pangandam sa maayo nga produksyon gikan sa industriya sa manok sa nasud.

Si Yap nagkanayon nga sa pagkakaron, ang departamento, kauban ang ilang katugbang nga Intsik, sa pagkakaron nag-andam sa mga sumbanan nga mga balaud ug regulasyon nga mauy sundon sa pagpalit gikan sa gawas sa nasud ug pagbaligya sa gawas sa nasud sa heat-processed nga karne sa manok ngadto sa China.

Ang departamento sa Agrikultura nagkanayon nga sila mitabang sa mga tigbaligyaay sa gawas sa nasud sa ilang mga requirements nga gikinahanglan aron sa paghatag ug dalan sa mas halapad nga pagsulod sa mga manok sa Pilipinas ngadto sa European Union, Hongkong, Indonesia, Malaysia ug Singapore ug Middle East.

Ang industriya sa manok sa nasud sa pagkakaron mibaligya sa gawas sa day-old breeder chick ngadto sa Indonesia, Brunei, Vietnam, Malaysia ug Nepal, giproseso nga manok ngadto sa Hongkong, Japan, United States, Dubai, Korea, Iran ug Mauritius ug presko nga frozen nga manok ngadto sa United Arab Emirates ug Japan.

Gikan sa 1.206 ka milyon metriko tonelada sa tuig 2006, ang produksyon sa manok nakit-an nga moabot ug 1.236 ka milyon metriko tonelada sa tuig 2007.

Base sa talaan sa gobyerno, ang nag-unang tigpamuhi ug manok nga mga lugar naglakip sa Pangasinan nga gipunting nga mokabat sa 34,355 metriko tonelada; Isabela, 23,024 metriko tonelada; Nueva Viscaya, 88,904 metriko tonelada; Quezon, 16,347 metriko tonelada ug Iloilo,17,469 metriko tonelada.