Cebuano News: Pilipinas napili nga sakop sa UNHRC
by Rey Anthony Chiu
Tagbilaran City (23 May) -- DUGANG boto sa kompyansa ang nakuha sa Pilipinas dihang napili kini sa ika -upat nga pwesto sa 14 ka lugar nga nabakante sa United Nations Human Rights Council (UNHRC) sa piliay niadtong Mayo 17.
Si Foreign Affairs Secretary Alberto G. Romulo mipadayag nga ang Philippine Mission ngadto sa United Nations (UN) misalig nga ang pwestong nakuha sa Manila mipakita sa padayong pagsalig sa international community sa nasudnong saad sa pagpanalipod ug pagtamud sa tawhanong katungod.
Si Ambassador Hilario G. Davide, Jr. kinsa napili nga Permanent Representative ngadto sa UN, mibutyag nga ang Pilipinas misakmit sa 179 botos, labaw sa 43 nga iyang nakuha sa miaging tuig.
Nini, si Presidente Gloria Macapagal Arroyo namahayag nga ang pagkapili sa Pilipinas usa ka prueba nga wala molampus ang ubang non-government organizations nga babagan ang laraw sa Pilipinas nga magpapili pinaagi sa pagpasangil sa pang-abuso sa tawhanong katungod.
Ang pagkapili sa Pilipinas maoy una ubos ni Ambassador Davide, kinsa milingkod isip Permanent Representative tulo ka buwan ang milabay.
Ang pagkapili pag-usab misunod sa usa ka malampusong tuig isip sakop sa 47-ka sakop nga Konseho. Sa pagkapili, mosilbi ang Pilipinas sa laing tulo ka tuig.
Matud ni Sec. Romulo, ang pagkapili usa ka tataw nga boto sa kompyansa sa nasud ug sa paningkamot sa Presidente nga itulak ang pangkalibutanong agenda sa pagpanalipod ug pagtamud sa tawhanong katungod.
Sa iyang kampanya saw ala pa ang piliay sa UN, mitataw ang Pilipinas sa iyang boluntaryong panumpa sa pagpalig-on sa katuyuan nga solbaron ang politically-motivated nga pagpamatay sa mga sakop sa media, mga actibista, padayon nga pagpanguna aron iasdang ang interfaith dialogue, padayong pagtanyag sa advokasya sa katungod sa nga migrante ug saad aron himoon ang Koseho nga mas epektibo nga kahugpungan. (PIA) [top]
