by Flor Jackson

Manila (24 May) -- Ang Department of Agriculture nagplano sa pag tukod ug eletronic kiosks sa tibuok nasud aron matabangan ang mga mag-uuma sa pag paluag sa ilang higayon nga mahaduol sa merkado diin sila magbaligya sa ilang produkto pinaagi sa Internet, si Agriculture Secretary Arthur Yap nag pahayag.

Ang maong departamento nag-andam na ug mga proposals bahin sa e-portal system aron kini isubmiter nagdto sa Microsoft Corporation, usa ka software developer sumala pa kang Yap.

Ubos niini nga programa, mga computer centers ang tukoron sa tibuok nasud aron ang mga mag-uuma maka panginano sa presyo sa ilang mga produkto ug maka pangayo ug ilang kabangkit sa negosyo pinaagi sa pag gamit sa internet.

"Kini nga mga kiosks kinahanglan permi moatiman sa ilang ika-alagad aron ang mga mag-uuma makagamit kanila," matod pa ni Yap. "Kung ang mag-uuma mangutana, makakuha ba kita ug tabang? Maka-estorya ba nato ang ubang mga mag-uuma? Maabot ba nato ang ubang mga merkado pinaagi niini? Ang mga tubag kinhanglan nga Oo."

Niadtong ning labay nga buwan, ang Department of Agriculture, Microsoft ug ang Department of Science and Technology nagkatigom aron ilang masusi ang posible nga pagtinabangay sa pang hinaut nga ilang masundog ang kalampusan sa China mahitungod sa ilang pagsusyo sa Information and Communications Technology kauban ang Microsoft.

Sumala pa sa Philippine Rice Research Institute (PhilRice), si Yap ning presentar sa ICT projects sa agriculture department nga nag lakip sa "Open Academy for Philippine Agriculture," "Mobile Internet Bus," nga ilang gigamit pag deliver ug online services, ug ang "Farmers' Information and Technology Service Center."

"Dako ang ikatabang sa Microsoft sa paningkamot aron ma-modernize ang agrikultura sa Pilipinas pinaagi sa pagpakalap ug mga computers, lisensyado nga Microsoft softwares ug trainings alang sa mga computer programmers," matod pa ni Yap.

Matod pa sa PhilRice, ang grupo sa Microsoft nag laan ug laing panagtigum karong buwana alang sa dugang ug detalyado nga paghisgut-hisgut sa e-learning ug web-based IT.

Nakatalaan usab ang Microsoft nga mag hisgut-hisgut kung unsaon pag pakig sosyo uban sa OPAPA ug uban pang mga ICT projects alang sa agrikultura sa Pilipinas.

Ang Open Academy for Philippine Agriculture (OPAPA) mao'y usa ka network sa mga government institutions nga maghatag ug edukasyon, training, extension ug communication bahin sa agrkultura pinaagi sa pag gamit sa mga information ug communication technologies. Kini gipangunahan ug gi-koordinahan sa PhilRice uban ni Executive Director Leocadio Sebastian nga mao'y naguna sa OPAPA Advisory council.

Ang market access mao'y usa sa mga critical nga proyekto sa agriculture department diha sa five-point nga programa sa gobyerno, matod pa ni Ya.