Cebuano News: Philippine Army mao'y lead agency sa "Berdeng Pilipinas" sa Leyte island
by Flor Jackson
Naval, Biliran (25 May) -- Kasumpay sa Greening Philippines Program ni Presidente Gloria Arroyo nga gihinganlan ug "Berdeng Pilipinas" ang 802nd Infantry Brigade, 8ID sa Philippine Army mao'y gi-tukahan nga lead agency alang sa implementasyon sa province-wide nga tree planting activities sa mga probinsya sa Leyte, Southern Leyte ug Biliran karong umaabot Hunyo 29, 2007.
Aron hapsay ang pag-implementar sa maong programa dinhi sa probinsya sa Biliran, nagpatawag ug meeting si Col. Bonifacio de Castro, Chairman sa Technical Working Committee (TWC) sa maong kalihukan sa tanang mga miyembro sa TWC karong Mayo 31 sa ala 1:00 ang takna sa hapon didto sa Capitol Building.
Ang maong meeting hosted sa mga miyembro sa TWC sa Biliran Provincial government Agencies sumala sa gikasabutan sa unang meeting sa maong grupo didto sa Ormoc niadtong ning labayng Mayo 16.
Si col. De Castro nag-awhag ug 100 per cent attendance sa tanang mga miyembro sa TWC sa maong meeting ug usab iyang gihangyo ang full support sa tanang mga concerned agencies. (PIA) [top]
