Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/05/28

Cebuano News: Presidente midayeg sa kalabutan sa Japan ug Malaysia alang sa kalinaw sa Mindanao

By Rodrigo S. Victoria

Manila (28 May) -- Si Presidente Gloria Macapagal Arroyo nagpasalamat ngadto sa Japan ug Malaysia sa ilang bulawanon nga kontribusyon ngadto sa Pilipinas sa pagpangita alang sa malungtaron nga kalinaw sa Mindanao diha sa pinakabag-o nga pagbisita sa Japan aron sa pagtambong sa ika-13 nga Nikkei Conference, matud pa ni Press Secretary ug Presidential Spokesperson Ignacio R. Bunye.

“Diha sa panihapon nga giandam sa Nikkei Shimbun sa Imperial Hotel sa Tokyo sa milabay nga semana, si Presidente Arroyo midayeg sa kalabutan sa Japan ug Malaysia, “dili lamang isip mga nanguna nga milihok sa East Asian Community, apan isip mahinungdanon nga mga kaalyado sa atong pagpangita sa makanunayon nga kalinaw sa Mindanao,” matud pa ni Bunye sa iyang tudling “View from the Palace” nga migawas karong adlawa (Lunes).

Siya nagkanayon nga ang Japan myembro sa International Monitoring Team (IMT) nga gipanguluhan sa Malaysia “aron pagtabang sa pagpadayon sa mga panagsabot sa kalinaw ngadto sa malampuson nga pagkatapos.”

“Ang Malaysia mauy nagpahigayon sa mga panagsabot sa kalinaw samtang ang Japan mauy naghimo sa mga mahinungdanon nga mga pamuhunan sa ekonomiya didto,” matud pa ni Bunye.

Siya nagkanayon nga ang Presidente mitumbok nga kini nga “mga kalihukan nga walay kalabtanan sa militar” sa duha ka nasud “mahinungdanon nga mga kontribusyon ngadto sa proseso sa kalinaw sa Mindanao.”

“Tungod sa ilang tabang, ug sa tabang sa uban nga mga nasud sama sa Indonesia, Estados Unidos ug mga nasud sa European Union, kita mimugna ug bag-o nga paagi alang sa kalinaw sa Mindanao nga nagsalig sa huyang nga gahum, dayalugo sa nagkalain-laing pagtuo ug nagkahalapad nga mga entrante sa mga langyaw nga mga magdudula aron sa pagpadayon sa kalinaw,” matud pa ni Bunye.

Ang Presidente usab nangayo sa suporta sa uban nga mga pangulo sa Asia sa pagporma sa East Asian Community nga gisundog diha sa European Union (EU) aron pagseguro sa kalinaw, kalig-on ug kamalambuon sa Asia.

Siya nagkanayon nga sa oras dihang ang kalibutan nagkaalyado batok sa Iraq ug ang World Trade Organization (WTO) naka-eksperyensya ug mga pagsanong, importante nga bag-o mga pagtambayayong ang pagapormahon aron pagseguro sa kalibutanong kalinaw ug pagkalig-on.

Ang ideya sa East Asian Community milahos sa utlanan sa mga lugar tungod kay ang uban nga gihuna-hunaan nga mga myembro, naglakip sa Russia, India ug South Korea, dili kaparte sa East Asia, siya nagkanayon. Ang konsepto sa EAC nagagikan sa komon nga panglantaw nga ang “ paglambigit sa ekonomiya usa ka kusganong basehan sa mga huna-huna sa mga igsuon sa Asia kontra sa nahimutangan nga dapit,” siya midugang.

Ang Presidente nagkanayon nga ang East Asain Community mao ang kusganong lakang ngadto sa pag-umol ug bag-ong mga kaalyado aron sa pagpadayon sa kalibutan nga malig-on ug makanunayon, mitataw nga kung ang European Union sa sinugdanan sa iyang istorya gihamok sa kasamok, karon kini usa na ka “pwersa sa kalinaw ug seguridad.”

“Kini nga dalan sama sa atong rehiyon nga nag-atubang ug daghan nga susamang mga istorya sa pagkabuwag-buwag, usa ka mas hiniusa nga rehiyon” ang mosumaw isip pwersa alang sa seguridad ug kalinaw, matud pa niya. (PIA-Biliran) [top]

|«  prev  next  »|
DAILY NEWS LIST:
»Commentary: Giving greater attention to climate change
»TESDA 8 starts free assessment services for workers, students
»Accessible, modern post-harvest facilities up in Capiz
»Access to cheaper food stuffs thru La Union's soon-to-open BFTs
»DepEd launches action center for school opening concerns
»Tagalog News: Geohazards sa Bulusan, Sorsogon sinuri ng experts
»Nueva Vizcaya mountaineers hail woman conqueror of Everest
»DA runs 4-day contingency formulation workshop on avian flu
»PESO Bacolod announces available overseas jobs
»Two bottled sardines processors in Zamboanga del Norte secure ‘world-class’ status
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines