By Erna Sy Gorne

Manila (29 May) -- Si Presidente Gloria Macapagal-Arroyo miingon nga ang nasud mag-abi-abi sa mga langyaw nga tabang aron sa pagputol sa kasaysayan sa politikanhon nga bayolente.

“Akong gi-abi-abi ang atong mga higala diha sa international nga kumonidad, sama sa New Zealand, sa pag trabaho kauban sa pagpapas sa legasiya sa bayolente ug bayolente hangtud sa hangtud,” matud niya sa mga tigbalita atoll sa opisyal nga bisita ngadto sa New Zealand.

Mokabat sa usa ka dosena ka mga tawo nga nag-protesta nagtapok sa gawas sa parliamento sa New Zealand nga naghimo ug kagahob batok sa mga politikanhon nga pamatay ug pag-aresto samtang si Presidente Arroyo gipasidunggan ni Primo Ministro Helen Clark sa usa a paniudto.

Matud pa ni Clark ang New Zealand motabang sa Pilipinas pina-agi sa paghatag ug mga pagbansay-bansay sa tawhonon nga katungod alang sa mga institusyon sama sa polisya at military. Matud pa ni Mrs. Arroyo ang iyang administrasyon naglihok usab sa pagpahunong sa mga pagpamatay.

“Aduna kitay ubay-ubay nga mga akusado nga nabilanggo. Adunay uban nga nakonbikto, samtang ang uban usab nakabaton ug kagawasan ug aduna usab kitay mga sundalo kinsa nag-atubang ug mga kiha sa korte sa militar.