Komentaryo: Ang pagbisita ni PGMA sa New Zealand ug Australia
By Erna Sy Gorne
Tacloban City (30 May) -- Si Presidente Arroyo ug Primo Ministro Helen Clark misaksi sa pinirmahay tali sa duha ka bilateral nga kasabotan kalabot sa pakigbugno sa terorismo ug sa nasud ngadto sa laing nasud nga krimen ug pagkonserba sa mga bahandi sa kinaiyahan.
Ang maong kasabotan sa pagkigbugno sa nasud ngadto sa laing nasud nga mga krimen, sama sa druga ug pagpalusot ug mga tawo ug paghipos ug dagkong kuwarta, nag-garantiya ug kalinaw dinhi sa Pilipinas ug sa tibook rehiyon. Ang maong kasabotan nagtugot sa pagbaylo sa sekrreto nga mga kahibalo, ebidensya,koordinasyon sa mga kalihokan kalabot sa pag-imbistigar, lakip na ang pagpangita sa mga nangawala nga mga katawhan, pagpahigayon ug bansay-bansay ug pagbaylo-ay sa mga importanting mga kahibalo.
Ang Presidente mipasalamat usab sa New Zealand sa ilang pagtabang alang sa kalikopan ilabina sa malampusong Bukidnon Plantation nga proyekto ug naglantaw sa padayon nga tabang alang sa Caraga Forest Plantation nga proyekto. Ang gobierno nag-abi-abi sa bisan unsa nga tabang sa Green Philippines sa iyang mga inisyatibo alang sa matag kahoy nga natanom, paghatag ug mapadayonon nga panginabuhian, makatabang sa kainit sa kalibotan ug pagluwas sa mga kinabuhi.
Ang pangagamhanan determinado sa iyang pakigbugno sa pag-usab sa atong kasaysayan sa politikanhon nga kasamok ug pagpanimalos, sama sa atong pag-bawi sa ekonomiya, kita naghinay-hinay apan siguro nga pagbuak sa tuyok sa kasamok. Ang nasud nakabaton ug maayong demokrasya ug kini gipamatud-an sa dili pa lang dugay nga proseso sa pinili-ay nga gawasnon, mangi-angayon ug nagpadayag sa kabubut-on sa tawo.
Ang gobierno nag-abi-abi sa mga tabang gikan sa New Zealand ug ubang mga nasud sa pagtabang sa Pilipinas nga magpapas niining nagatuyok nga kasamok.Ang Human Rights Commissions of the Philippines ug ang New Zealand nagpasiugda ug mga pakigpulong aron sa pag-pakig-ambit sa ilang kasinatian u gang New Zealanf andam na sa pag-gahin ug pundo gikansa iyang development nga tabang alang sa tawhonon nga katungod nga pagtuon sa mga grupo sa kusog sa kasiguroan.
Ang duha ka nasud nagkasabot sa pag-pangita ug bag-ong pamaagi sa negosyo sama sa possible nga pag-alagad sa kahanginan nga kasabotan, dugang kalihokan kalabot pagkonserba sa yuta, ang pag-ugmad sa Philippine Dairy Industry nga nag-apil sa posibilidad sa pag-implementar sa mga katawhan nga magdumala sa dairy ingon nga baylo-ay nga programa tali sa New Zealand nga magtabang sa paghatag ug bansay-bansay ug hantud sa pagkabaton ug trabaho alang sa mga Pilipino nga mga mag-uuma. (PIA 8) [top]
