PIA Press Release
2007/05/31
Cebuano News: DFA mihangyo sa mga Pinoy sa pagtuman sa deployment ban
by Roberto M. Cabardo
Cebu City (May 31) -- Sa nahitabong lain na sab nga pagdagit sa usa ka seaman nga Pinoy sa Nigeria, subli nga gihangyo sa Department of Foreign Affairs (DFA) ang mga gustong motrabaho sa gawas sa nasod pagrespeto sa deployment ban nga gipatuman sa DFA.
Sa pagkakaron, ang Department of Foreign Affairs og POEA padayong nagdili sa mga Pilipino sa pagpanarbaho sa Nigeria, Iraq, Afghanistan, og Lebanon tungod sa di maayong kasinatian og pag-abuso sa mga Pilipino nga nagtrabaho sa nahisgutang mga lugar. (PIA Cebu) [top]
|
