Cebuano News: Kusganong ekonomiya magpadayon kung ang nasud magkahiusa paglihok, matud sa Palasyo
By Lanie Pitao-Tupaz
Manila (7 June) -- Ang Malacaņang miingon kagahapon nga adlaw nga ang pagkusog sa piso ug sa stock market magpadayon kung magkahiusa paglihok ang nasud.
Si Press Secretary ug Presidential Spokesperson Ignacio Bunye miingon nga ang pagtaas sa piso kumpara sa milabay nga pito ka tuig ug ang pagsaka sa stock market index mipakita ug kaayohan alang sa ekonomiya.
Ang mga pulong ni Bunye gipagawas sa dihang misaka ang piso kaysa P46 kontra dolyar nga mao ang pinakataas sulod sa milabay nga pito ka tuig.
Ang stock market misaka usab taliwala sa pag-abante sa Wall Street ug sa Asian market bisan pa ug ang mga mamumuhunan mibiya sa China ug mibalhin sa lokal nga merkado.
Si Bunye midugang nga ang nasud anaa na sa maayong kahimtang, ug kini magpadayon pagsaka kung magkahiusa kita paglihok nga may paghigugma sa atong nasud.
Si Bunye mihatag ug duon sa repormang pang-ekonomiya sa administrayong Arroyo nga maoy hinungdan sa pagkusog sa piso ug sa stock market.
Sukad pa niadtong Enero, the Philippine Stock Exchange mikusog kaysa lain pang Asian stock markets samtang ang mitaas nga remittances sa mga OFWs nag-una sa pagtabang pagpataas sa balor sa piso. (PIA Biliran) [top]
