Cebuano News: Pres. Arroyo mi-awhag sa Kongreso sa pagpapas sa panagsungi
By Erna S. Gorne
Manila (9 June) -- Pres. Gloria Macapagal-Arroyo nagpasalamat sa ika-13 nga Kongreso sa pagpasa sa maisogon nga mga lakang sa reporma aron sa pagtukmod sa nasud sa pagpadayon, mao kini ang iyang panawagan atoll sa ika-14 nga Kongreso aron “sa pagpapas sa panagsungi” samtang kini magkab-ot sa kaugma-on sa kalinaw, pagkahiusa, kaligdong ug kauswagan alang sa nasud sa sunod nga tulo ka tuig.
Sa iyang pakigpulong atoll sa pinasahi nga tigum alang sa sentenyal nga kasaulogan sa Kongreso didto sa Balay Balaoranan sa Quezon City kagahapon, ang Presidente midayeg sa ika-13 nga Kongreso alang sa pagtugot sa mga bug-at, “paakon ang bala” nga mga lihislatibo nga mga sugyot, ilabina sa Expanded Value-Added Tax (EVAT), sa tumong sa pagdala sa nasud sa unahan.
“Mao kana ang unang hut-ong sa atong plano sa pag-palig-on sa atong budget og paggasto og dayon pagsiguro sa mas hataas nga kinitaan pinaagi sa mas maayong buhis og pagkolekta sa custom ug pinaagi sa mas hataas nga buhisan, ilabina sa value-added nga buhisan nga inyo nang nakab-ot,” matud pa ni Presidente.
Ang Presidente mitumbok nga ingon nga resulta sa reporma nga gi-ugmad sa gobierno “mga puhunan padayon nga gi-bubu, dili lamang sa mga lagyaw nga puhunan kondili sa mga ginagmay, medium ug micro nga negosyo.”
“Tungod kaninyo, adunay igo-igong kuwarta sa atong budget aron sa pagpalapad sa atong puhunan diha sa imprastruktura og social welfare. Busa, andam na ta sa pagbuak sa buko-buko sa kapobrehon,” matud pa niya.
Tungod kay na-kompleto na ang unang hut-ong sa plano, ang gobierno molakang na ngadto sa ika-duha nga hut-ong aron sa “pagpahimulos sa atong nag-uswag nga ekonomiya nga hulagway ug sa katapusan, aron sa paghimo sa dugay nang panahon nga nalangay nga pagbubu ug puhunan diha sa imprastruktura, edukasyon og pag-atiman sa panglawas,” dugang pasabot niya. (PIA Maasin) [top]
