By Rodrigo S. Victoria

Manila (14 June) -- Si Presidente Gloria Macapagal Arroyo mibisita niadtong Miyerkules aron pagtunol sa mga proyekto nga gibana-bana nga makapalambo sa pag-uswag sa probinsya ug makapadali sa iyang pagbakod human sa insidente sa pag-awas sa lana sa gikan sa Solar I niadtong tuig 2006.

Ang Guimaras makadawat ug dili mokubos sa P12 ka milyon nga kantidad sa mga proyekto gikan sa library hub, mga lawak tulunghaan ug mga programa alang sa pakabuhi.

Si Presidente Arroyo nag-inagurar sa P7 milyones nga library hub nga gitukod sa Petron Corporation nga gilangkuban sa 36,000 ka mga libro nga gihatag sa San Francisco Public Library, Saudi Aramco, Bato Balani Foundation ug uban pa nga mga mihatag.

Sa susamang bahin, ang Petron nagbukas sa ilang P1.5 milyon nga upat ka lawak tulunghaan sa Tando, kadungan sa kalihukan sa pagtunol nga gipahigayon sa San Miguel, Guimaras.

Upat ka mga asosasyon sa mga residente nga naapektaran sa pag-awas sa lana ang nakadawat ug inisyal nga kapital sa kantidad nga P525,000 gikan sa P3 milyon nga tabang pinansyal nga gihatag sa Petron nga gipaagi sa programa sa Self-Employment Assistance Kaunlaran (SEA-K) sa Department of Social Welfare and Development (DSWD).

Si Presidente Arroyo sa susamang bahin misaksi sa pagpirmahanay sa kasabutan tale sa Soutn East Asian Fisheries Development Center Aqualculture Department (SEAFDEC-AQD) alang sa pagtukod sa proyekto sa mariculture sa Igang, Nueva Valencia, ang pinakagrabe nga naigo nga munisipyo diha sa dakong kadaut sa pag-awas sa lana.