Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 4 October 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/06/18

Waray-Waray News: Edukasyon, infrastraktura ug health tatagan pasi-urog ni PGMA – Andya

Manila (18 June) -- Karuyag mag-alutaga ni Pagnulo Gloria Macapagal-Arroyo hin darudako nga pondo ha edukasyon, imprastraktura ug health hiton 2008 national budget nga gin-aandam na yana han Department of Budget and Management (DBM).

Ini in ginpahayag ni Budget Secretary Rolando Andaya, Jr. durante han “The Cabinet Speaks” nga programa ha telebisyon nga iginpasalida dida han kanan goberno television station, Channel 4.

Dida han mao nga taramdan nga gindumara ni outgoing Press Undersecretary Isabel de Leon, ginpahayag ni Andaya nga tungod nga maupay an aton ekonomiya, maupay iton aton koleksyon, nagkaada hin higayon an aton Pangulo nga pumili hin mga sektor nga pagtutut-unan hin atensyon, ug tagan hin dagko nga mga pondo. Ini nga tulo amo an nasabi nga edukasyon, imprastraktura ug health.

Sumala kan Andaya, an paghatag pasi-urog ngada hini nga tulo nga mga sektor in makikita dida han 2005, 2006 ug 2007 nga mga budget kon diin nagkaada hin pag-umento han ira mga alokasyon. An pag-umento han budget para han edukasyon, imprastraktura ug health in diri daw nagtatapos hini nga tuig. Hiton masunod nga tuig, dudugngan pa daw han Pangulo hin P24-B an imprastraktura, mga P8-B para han edukasyon, ngan P3-B para naman han health, sigon pa kan Andaya.

An kadugangan nga P8-B para han edukasyon in makakapiho daw nga “makakalanat an aton sektor ha edukasyon ha pagtagamagturutdo, classrooms ug mga materyales ha pagtutdo,” pahayag ni Andaya. Labot pa, an budget para hin pag-empleyo hin kadugangan nga 12-mil nga mga magturutdo para yana nga tuig in aprubado na, ug kadugangan pa nga 10-mil nga mga magturutdo in pagkikinahanglanon sunod nga tuig.

Para naman han health sector, nagpahayag hi Andaya nga an konsentrasyon han Pangulo ha pagkayana amo an pag-upgrade han primary hospitals ngadto hin secondary hospitals. Hini daw la nga tuig, P500-M na an nai-release para han pag-upgrade han mga ospital. Hiton sunod nga tuig, karuyag pa han Pangulo pag-alutaga hin P1-B para han pagpaka-upay han mao nga mga ospital.

Samtang, adton iba nga mga sektor, nagpahayag hi Andaya nga nagrelease pala hiya hin P5-B para han Modernization program han Armed Forces of the Philippines. May-ada naman igin-gahin nga P2-B para han eleksyon han mga opisyal han Barangay ug Sangguniang Kabataan.

Adton iginsaad naman nga umento ha sweldo han mga empleyado han gobyerno, mayda daw igin-alutaga nga P10.3-B. Magpapakakarawat adton mga permanente, kontraktuwal ug sugad man kaswal. An mao nga umento, sigon kan Andaya in syahan nga higayon matabo tikang hadton tuig 2001. (PIA-Eastern Samar) [top]

|«  prev  next  »|
DAILY NEWS LIST:
»Catbalogan residents vote overwhelmingly for citihood
»Commentary: Putting public service before personal interest
»Commentary: Breaking the cycle of violence once and for all
»12 human rights experts from EU arrive today to help solve unexplained killings
»Negros Occidental rice, corn production survey set
»NSO prepares for August census of population
»Commentary: When will our fish farmers learn their lessons?
»Fishkill hits Pangasinan town
»"Yes" vote seen to usher in Borongan cityhood
»Palawan PAITF holds bird flu forum
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines