Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/06/19

Cebuano News: NAPC nagseguro sa paglapad sa serbisyo nagdto sa gagmayng pagpamuhunan

By Rodrigo S. Victoria

Manila (19 June) -- Positibo nga pamatasan, pagpaningkamot, ug pag-antos mao ang mga butang nga nagduso nga mauy naghimo kang Domingo Mondragon, usa ka tag-iya sa outlet sa “Tindahan Natin”, Angel Narito, tag-iya sa Argie’s Bakery ug Mini Grocery, ug Rodolfa Tongco, usa ka ahente sa buy-and-sell, ang milampos sa pagtukod sa ilang mga kaugalingong negosyo pinaagi sa tabang sa gagmay nga pagpamuhunan sa National Anti-Poverty Commission (NAPC).

Ang NAPC officer-in-charge nga si Assistant Secretary Dolores de Quiros-Castillo, mikuyog sa tulo ka mga malampuson nga mga negosyante sa pagpa-ambit sa ilang istorya sa kalampusan sa “The PMS Forum: Cerge for Truth,” nga gidala ni Secretary ug Presidential Management Staff (PMS) Director nga si Director General Cerge M. Remonde.

Si Remonde nagkanayon nga ang malampuson nga mga pagtadlas niini nga mga bag-ong misumaw nga mga negosyante ang gipakita sa nasyunal nga telebisyon sa paglaum nga sila makahatag ug inspirasyon ngadto sa mga tumatan-aw ug maka-aghat sa dugang mga tawo sa pagnegosyo.

Siya midugang nga ang NAPC nagsilbe isip ahensya nga moatubang sa kinatibuk-ang gimbuhaton batok sa kakabus ug kagutom ug kini dako ug kalabutan sa programa sa ginagmay nga pagpamuhunan sa gobyerno.

Si Mondragon, myembro sa Handog Sikap Kalipi ng TS Cruz SEA-K Association, ang giaghat sa “no interest, no collateral” nga palisiya sa pag-pautang sa NAPC. Usa ka gradwado sa sekondarya ug walay kapas sa pagpadayon sa edukasyon sa kolehiyo, si Mondragon nakaangkon sa tabang nga programa sa pautang sa NAPC ug nagsugod sa iyang tindahan sa sari-sari niadtong 2001 sa pasiunang kapital nga P5,000.

Karon, si Mondragon nakakita ug average nga P500 ngadto sa P1,000 nga ganansya kada semana. Noodles ug bugas mao ang pinakahalin nga baligya sa pagkaon.

Si Narito nagtrabaho sa usa ka tighimo ug tinapay sa Cavite City niadtong 1999 diin siya nakakuha sa naantiguhan sa pagluto ug tinapay. Sa iyang natigum nga P4,500, siya nagsugod sa negosyo sa bitso ug donut. Gikan sa iyang inadlaw nga halin, si Narito nakahipos ug P50 kada adlaw, diin kini iyang gigamit sa pagpalit ug second-hand nga oven.

Ning ulahi, si Narito nagbukas sa iyang kaugalingong himuanan ug tinapay ug gamay nga tindahan sa Parola Compound, Binondo, Manila human kini nangayo ug tabang sa UPLIFT Philippines Inc. ug nakaangkon sa pasiunang utang nga P3,000.

Karon, si Narito makautang na bisan sa kantidad nga P80,000. Tungod sa maong negosyo, si Narito ug ang iyang asawa nakahimo sa pagpadala sa ilang mga anak sa eskwelahan ug ang ilang kabutang sa kinabuhi milambo.

“Ang gamay nga puhunan dinuyugan sa determinasyon mauy maghatag ug kalampusan sa negosyo,” matud pa ni Narito.

Si Tongco, nga nagagikan sa San Rafael, Rodriguez, Rizal unang nakadungog sa tabang sa ginagmay nga pagpamuhunan pinaagi sa usa ka amigo.

Siya miapil sa Center for Community Transformation (CCT) Credit Cooperative diin siya nakakuha ug P4,000 isip iyang unang utang. Siya migamit sa maong kantidad sa pagpamuhunan sa iyang negosyo sa buy-and-sell ug frozen nga pagkaon.

Isip usa ka born again Christian, siya permanente nga naghalad sa iyang mga kita sa Ginoo alang sa sunod adlaw. Pagresulta, daghang mga tawo ang mibutang sa dinaghan nga mga orders sa iya.

Samtang nagpadayon sa iyang negosyo sa frozen nga pagkaon, siya mi-entra usab sa negosyo sa bato ug baras.

Tungod sa nakit-an nga kalampusan sa tulo ka mga negosyante, si De Quiros-Castillo nagseguro nga ang NAPC naghimo sa iyang tanang mahimo aron lang nga maseguro nga ang ilang mga serbisyo sa gagmay nga mga mamumuhunan magpadayon pag-abot ngadto sa mga kabus.

Ang NAPC nagmugna sa National Financial Literacy Program alang sa pagpahibalo sa ilang katawhan sa lain-laing dapit, ang ilang MFI nga mga katugbang, mga korporasyon nga gipanag-iyahan ug gikontrolar sa gobyerno (GOCCs) ug kabus nga sektor mahitungod sa ginagmay nga pagpamuhunan. Ang kalambuan sa modules niini nga programa ang anaa na sa pagkakaron.

Alang niadtong gusto nga makaangkon sa mga serbisyo sa NAPC, sila makangadto sa website o makabisita sa opisina sa NAPC sa 3rd Floor, Agricultural Training Institute, Elliptical Road, Diliman, Quezon City o pinaagi sa telepono numero 426-5263. (PIA-Biliran) [top]

|«  prev  next  »|
DAILY NEWS LIST:
»Gov't expects to raise P6.54 trillion until 2010
»Feature: Illegal recruitment a perennial problem
»Mindanao-wide gab set for industry players in shipping
»Gov't links Pinoy suppliers to NZ health food company
»Davao re-engineering plan seen to benefit employees
»Military to get into greening activity
»4th Mango Marketing Confab set June 21-22
»It's wrong to jail children in conflict with law, says expert
»Komentaryo: Kaya ng gobyerno na magpondo para sa infra projects
»Free kidney check at NKTI
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines