Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/06/21

Cebuano News: Anti-malaria ug anti-dengue nga mga lakang

By Rodrigo S. Victoria

Manila (21 June) -- Ang Department of Health (DOH) wala magdeklara ug pagdagsang sa malaria sa Antipolo City. Ang pagdagsang mailhan human ang mga resulta sa pagtuon mogawas sulod sa duha ka semana. Apan sa laing bahin, sila nag-obserbar pag-ayo sa Brgys. San Jose ug San Juan aron mahibaw-an ang gidakuon sa mga kaso.

Ang mga residente sa maong mga lugar gisugyutan sa pagtaklob sa ilang mga gitigum nga mga sinawod nga tubig ug pagkatulog sakob sa moskitero.

Walay posibilidad sa pagdagsang sa malaria sa Metro Manila tungod kay ang mga lamok sa malaria modaghan diha sa mga lugar nga lamakon ug basa-basa. Sila himili bahin sa ilang mga palibot ug mura ug dili sila modaghan sa mga dapit sa syudad.

Ang Antipolo City Health Office nagmando sa pagbomba sa mga pamatay peste sa mga apektado nga mga komunidad ug pag-apod-apod ug mga moskitero ngadto sa mga residente.

Ang DOH misumbalik sa pagsugyot sa mga lokal nga mga opisyales nga ang paglimpyo sa mga palibot gikinahanglan nga himuon kada unom ka bulan aron pagpugong sa pagpanganak sa mga lamok nga nagpakuyanap sa mga sakit sama sa malaria ug dengue.

Ang isyu sa panglawas nga nagkinahanglan ug dinalian nga pagtagad mao ang 6.8 porsyento nga pagsaka sa mga kaso sa dengue sa nasud. Ang sa pagkakaron nga sitwasyon sa hilanat sa dengue nahimo nga nga “hyper-endemic’, diin kini nagpasabot nga ang mga paningkamot sa pagpakunhod sa numero sa mga kaso gikan sa milabay nga lebel dili na mapwede. Kini tungod kay ang upat ka mga makadaut nga kagaw nga nakaingon sa dengue aktibo ug kini gipakuyanap sa lamok nga aedes aegypti sa parehos nga panahon, dili pareha sa milabay nga tuig, diin usa lamang ka kagaw nga makadaut ang mikuyanap. Tungod kay ang tawo makaangkon lamang ug dili pagkadutlan gikan sa usa ka makadaut nga kagaw sa makausa lang nga panahon, sa upat ka mga makadaut nga kagaw sa dengue, isip may katakos nga mga ahente sa infection, ang usa ka tawo mamahimong magkasakit sa dengue sa upat ka beses.

Ang pagkainit sa kalibutan usa sa nakahatag sa pagsaka sa mga kaso sa dengue tungod kay ang mas init nga mga temperatura makahimo sa mga lamok nga mas gutom sa dugo ug mao kini nga mamaak sa tawo sa makadaghan. Ang dugo mauy maghimo sa lamok nga mangitlog sa makadaghan diin kini moresulta sa pagsaka sa populasyon sa mga lamok. Ang mas daghan nga itlog moresulta sa mas daghan nga mga lamok nga matawo, diin kini motubo ngadto sa mas daghan nga mga tigdala sa delikado nga mga makadaut nga kagaw sa dengue.

Ang nag-unang tulo ka mga rehiyon diin nahimantala ang mga kaso sa dengue mao ang National Capital Region (NCR) nga may 1,396 ka mga kaso, Calabarzon (Cavite, Laguna, Batangas, Rizal, Quezon) nga may 1,120 ka mga kaso ug Davao region nga may 771 ka mga kaso.

Ang publiko gisugyutan sa mas hugot nga pag-obserbar sa mosunod nga mga lakang batok sa dengue: pagpangita ug pagguba sa mga itloganan nga mga lugar, pagpanalipod sa kaugalingon, ug pagpangayo sa medikal nga pagtambal dayon.

Ang DOH nagmando sa mga hospital sa pagpabalik sa ilang mga Dengue Express Lanes. (PIA-Biliran) [top]

|«  prev  next  »|
DAILY NEWS LIST:
»ARENA XI inaugurates Davao office
»Davao City now has six BPO companies
»Mindanao veggie producers eye Australia
»Sec. Cabral opens DSWD nat’l conference in Davao
»Davao implements child welfare, says official
»Herbal medicines gaining acceptance
»New Bataan eyes agri-development
»Feature: Mandaya community wanting of better roads
»Davao regional body to record best practice on children
»Komentaryo: Problema pa rin ang illegal recruitment - POEA
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines