Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 18 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/06/21

Cebuano News: OWWA milunsad sa search for 2007 MOFY awardees

By Lanie Pitao-Tupaz

Manila (21 June) -- Sa pag-ila sa mga sakripisyo ug kahago sa mga Overseas Filipino Workers kon OFWs ug sa ilang mga pamilya, ang Overseas Workers Welfare Administration kon OWWA mipasabot sa pagsugod na sa pagpangita sa 2007 Model OFW Family of the Year Award kon MOFYA.

Si OWWA Administrator Marianito D. Doque miingon nga ang tinuig nga award nagtinguha paghatag ug angay nga pag-ila sa mga OFWs ug sa ilang mga pamilya. Importante usab ang pagpakita sa atong pagpasalamat sa mga OFWs tungod sa ilang pagpaningkamot ug trabaho aron lamang makahatag ug maayong kalidad sa kinabuhi alang sa ilang mga pamilya.

Si Doque midugang nga ang tinuig nga award mao ang paagi sa gobyerno sa pagpakita sa matag usa kung unsa kita kamapagarbohon sa atong mga OFWs ug sa ilang mga minahal sa kinabuhi.

Ang pagpangita sa MOFYA karon nga tuig nakatotok sa malamposon nga relasyon sa pamilya Ė lahi kini nga paagi sa miaging tuig nga mitotok sa kauswagan sa pakabuhian sa mga pamilya sa mga OFWs.

Ang award mao ang testamento sa ilang mga pinaningkamotan ug kita nasayod kung giunsa nila pagsakripisyo ug pagpaningkamot pagtrabaho. Sanglit angay lamang gayod nga ato silang hatagan ug pagtagad, sumala pa ni Doque.

Ang mga nominado sa MOFYA mao kadtong mga pamilya nga ang ulo sa pamilya usa ka land-based or sea-based OFW nga mao usab ang main provider sa pamilya, nagsuporta sa edukasyon sa mga anak ug miyembro sa pamilya, nasayran nga lig-on ug establisado ang pamilya diha sa ilang komunidad, ug adunay establisado nga panalapi.

Ang mosunod mao ang basihan sa pagpili alang sa 2007 nga awards:

  • Naglihok nga OFW nga pamilya diin aduna silay padayon nga komunikasyon, panagtambayayong sa mga responsibilidad tale sa mga miyembro sa pamilya sa OFW, madaling maduolan sa panahon sa problemang emosyonal, psycho-social maturity sa mga anak, ug kahilambigitan sa mga anak sa mga kalihokan sa katawhan;
  • Kahilambigitan sa OFW sa katawhan ug sa komunidad diin siya miyembro sa civic organizations, nagmalamposon sa mga proyekto sa komunidad, ug nakadawat na ug mga pasidungog;
  • Kalamposan sa mga anak o miyembro sa pamilya sa ilang pagtuon diin ang mga anak o miyembro sa pamilya padayon o nakatapos na sa pagtuon, nakatrabaho na, ug nakadawat na ug pasidungog; ug
  • Kalamposan pagdumala sa panguwarta sa pamilya diin ang pamilya adunay negosyo, tinigom ug mga pamuhunan.

Ang pagpamili sa mga nominado sa regional level magsugod sa Oktobre niini nga tuig sa regional level din ang panel of judges maglakip sa regional directors sa Labor department, ug sa OWWA, ug tag-usa ka representante gikan sa land-based industry sector, sea-based industry sector, religious group, ug major sponsors.

Tulo ka mga finalists ang pillion isip national champions gikan sa Luzon, Visayas, ug Midanao sa Nobyembre 2007.

Ang unang tulo ka mga pamilya nga mapili makadawat sa cash prize nga P200,000, vacation trip packages, laptop units ug uban pang mga premyo gikan sa Globe. Ang 17 ka mga regional winners makadawat ug P25,000 gikan sa Western Union ug P20,000 G-cash ug cell phones gikan sa Globe.

Ang MOFYA gipangunahan sa OWWA uban sa panabang sa Globa, Philamlife, ug Western Union. (PIA Biliran) [top]

|«  prev  next  »|
DAILY NEWS LIST:
»ARENA XI inaugurates Davao office
»Davao City now has six BPO companies
»Mindanao veggie producers eye Australia
»Sec. Cabral opens DSWD natíl conference in Davao
»Davao implements child welfare, says official
»Herbal medicines gaining acceptance
»New Bataan eyes agri-development
»Feature: Mandaya community wanting of better roads
»Davao regional body to record best practice on children
»Komentaryo: Problema pa rin ang illegal recruitment - POEA
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines