Cebuano News: PGMA nagpahigayon ug oath sa bag-ong mga opisyales sa Eastern Samar ug Lapulapu City
Ni Rebecca Cadavos
Southern Leyte (22 June) -- Si Presidente Gloria Macapagal-Arroyo nagpahigayon kagahapon ug oath of office sa bag-ong gipili nga mga lokal nga opisyales sa Eastern Samar ug Syudad sa Lapu-lapu didto sa VIP Lounge sa wala pa siya mobalik sa Manila.
Kadtong gipahorar mao sila si Lapu-lapu City Mayor Arturo Radaza, Vice Mayor Mario Amores ug mga konsilhales.
Ang ba-ong gipili nga Eastern Samar lokal nga opisyales kinsa mihimo sa oath of office atubangan sa Presidente gipanguluhan ni Ben Evardone ug Vice Governor Leander Geli ug 12 ka Provincial Board Members.
Sila gibutang diha sa opisina human ang Presidente mihatag sa iyang keynote sa ika-duhang Annual Philippine Investment Conference nga gipahigayon sa Euromoney Conference didto sa Shangri-la Mactan Resort and Spa.
Ang Presidente miabot didto sa alas 10:00 sa buntag ug dayon nagmotorkada sa Shangri-la Mactan. Siya mibiya sa Cebu sa alas 12:00 sa udto human sa paniudto kauban ang mga lokal nga opisyales ug Cebu Governor Gwendolyn Garcia. (PIA) [top]
