Komentaryo: Ekonomikanhon nga paglambu
by Erna Gorne
Tacloban City (23 June) -- Atol sa pakigpulong nga gihimo sa ika-duha nga Philippine Annual Investment Conference didto sa Shangrila, Mactan, Cebu, si Presidente Gloria Macapagal-Arroyo mihatag ug igo-igong padayag sa ekonomikanhon nga kalampusan sa nasud. Matud niya nga ang ekonomiya nagtubo dungan sa iyang salapianong ganansiya. Samtang ang ubang mga silingang nasud sa rehiyon nakasinati ug pagka-ubos sa ekonomiya, ang pagtubo sa ekonomiya sa nasud sa Pilipinas padayon ang pagtubo.
Ang pinaka-daku nga lakang nga nag-resulta sa pagsulbong sa ekonomiya mao ang pagpasa sa EVAT, ingon nga usa ka maisogon desisyon nga nagdala ug mas dagkong mga kinitaan. Ang ubang nakatabang mga hinungdan mao ang kumpleto nga pagtutuk sa gobierno kalabot sa ekonomiya, disiplina sa panalapi, pagtrabaho sa pagkab-ot ug balance nga budyet ug patutuk sa dugay nang panginahanglan sa tawhunon ug pisikal nga imprastruktura nga kalambuan.
Nakabaton ug paspas nga pagtubo diha sa pagbubu ug puhunan ug ang 6 ka milyones nga trabaho nga namugna sulod sa milabay nga 6 ka tuig ug ang ekonomiya miabot sa bag-o nga ang-ang sa pagka-hamtung ug kalig-on. Ug kini miresulta sa pagsalig sa mga negosyante sa nasud nga hataas kaayo.
Ang gobierno nagtrabaho pag-ayo aron sa pagkab-ot ug pagpabilin ingon nga usa ka palibot nga mahigala-on nga negosyante ug nalipay sa kadasig sa mga mamuhunan diha sa ekonomikanhon nga ganansiya.
Ang kalibutan nakakita na. Klarado kaayo nga adunay halapad nga internasyonal nga pag-ila nga ang Pilipinas nga nag-hanyag sa labing daku nga balor diha sa mga puhunan. Samtang ang nasud padayon sa paglig-on sa ekonomiya ug pag-pasaka sa kumpetinsya, mas daghang neyosyante ang maka-amgo sa balor sa pagbubu ug puhunan sa nasud sa Pilipinas. (PIA Maasin) [top]
