By Erna S. Gorne

Tacloban City (23 June) -- Wala na gayuy lain pang mas maayong panahon sa pagbubu ug puhunan dinhi sa Pilipinas gawas karon.

Mao kini ang gideklara ni Presidente Gloria Macapagal-Arroyo atubang sa mga representante sa mga labaw nga internasyonal ug mga Pilipino nga mga negosyante atoll sa pag-abli sa ikaduha nga tinuig nga Philippine Investment Conference sa Shangri-La Mactan Island Resort ug Spa didto sa Lapu-lapu City, Cebu kagahapon.

Ang nagtubo nga kadasig sa mga internasyonal nga mga negosyante sa Pilipinas gikompirma diha sa mga desisyon sa mga higante nga mga corporates, lakip ang Hanjin Corporation sa Korea, Texas Instruments sa United States, Toyota sa Japan ug Chinese nga mga kumpaniya, bout mobubu ug daghang puhunan sa nasud, dugang pasabot ni Presidente Arroyo.

Nga kining internasyonal nga mga korporasyon nagpalapad sa ilang pag-operate dinhi sa nasud kini nagpakita lamang nga ang pamaagi sa gobierno naglihok tungod kay dugay nga silang nakabaton ug negosyo dinhi ug nakaplagan nila nga ang ilang pag-negosyo nakahatag ug satisfaction.

Ang Presidente usab miingon nga ang malapad nga sukli nahitabo na dinhi sa ekonomiya sa nasud sa milabay nga pipila ka tuig. “Amo nang gipa-ubsan ang alkanse sa budyet. Amo usab nga gipa-uswag ang wala damha nga gidaghanon sa kinitaan. Amo nga gipahimutang ang salapi-anon nga balay sa kahapsay.”

Ang ekonomikanhon nga pagtubo nagpadayon, ug samtang “ang uban sa atong mga silingan nga mga nasud sa rehiyon nakasinati ug pag-ubos sa ekonomiya sa usa ka higayon niining mga panahona, ang ekonomikan nga pagtubo sa Pilipinas nagsunod-sunod matag tag-tulo ka bulan,” dugang niyang pasabot.