Cebuano News: Lapus nagmando imbestigahan ang gikatahung pagbaligya sa teaching post
Ni Rebecca Cadavos
Manila (28 June) -- Ang Department of Education (DepEd) Secretary Jesli Lapus nagmando kaniadtong Hunyo 19 sa dinaling pag-imbestigar sa gikatahung pagpamaligya sa teaching posts sa probinsya sa Zambales.
Sa usa ka opisyal nga deklarasyon, usa ka mi-akusar nag-ingon nga gihangyo siya sa pagbayad ug kantidad nga P25,000 sa usa ka opisyal sa edukasyon sa Division sa Olongapo bayad sa permanenteng trabaho isip magtutudlo sa usa ka elementarya sa maong dibisyon.
"Ang mga alegasyon sama niini kinahanglan paga-aksyonan dayon," matud pa ni Lapus, kinsa mipadala dayon ug fact-finding team gikan sa DepEd Central Office Legal Division aron pag-imbestigar niining mga alegasyon.
"Naglangkat sila sa kredibilidad sa among mga kagaho paghimo ug mga reporma sa departamento" si Lapaus midugang. "Dili kami mouyon niining mga lihoka dinhi sa among posisyon."
Kon ang kaso magkinahanglan ug pormal nga alegasyon, ang mga opisyales sa edukasyon kinsa nalambigit, mag-atubang sila ug preventive suspension aron pagpugong nila sa pag-impluwensya sa pormal nga imbestigasyon.
Sa laing bahin, si Lapus nagtawag sa publiko sa pagbantay, ug itahu ang susamang hitabo sa departamento.
"Naghangyo kita sa publiko, labina ang mga magtutudlo, pagtahu sa parehas nga insidente sa pagpamaligya, aron ang reposableng personahe sa maong hitabo, ma-aksyonan dayon, si Lapus midugang. (PIA-Maasin) [top]
