Ni Fred Dellava

Manila (4 July) -- Gimando karon ni Pangulong Gloria Macapagal-Arroyo ngadto sa Departamento sa Agrikultura nga pagadalion ang mga mas mahinungdanong mga proyekto sa Nueva Vizcaya. Kini gilangkuban sa pag-ayo ug rehabilitasyon sa irrigation system ug farm-to-market road sa barangay Bagabag diin maka-benepisyo ang 300 ka pamilyang benepesiyaryong mag-uuma nga anaa sa lugar.

Atul sa iyahang pagbisita ngadto sa Nueva Vizcaya si Pangulong Arroyo mikomitar nga humanon ang tanang mga proyekto sa nahisgutang dapit.

Samtang, sa hamubo nga panahon gihan-ay ni Serafin Palteng, National Irrigation Administration (NIA) Deputy Administrator ngadto sa Pangulo ang mahitungod sa kahimtang ug dagan sa Nueva Vizcaya Provincial Irrigation Projects, kung asa adunay service area nga 1, 750 ektarya.