Cebuano News: PAGC girekomenda ang disciplinary action batok sa mga kaso sa korupsiyon
Ni Fred Dellava
Manila (4 July) -- Imbestigahan sa Presidential Anti-Graft Commission (PAGC) ang ubay-ubay ka mga kaso sa korapsiyon nga gikalambigitan sa pipila ka mga empleyado sa gobyerno ug lima ka mga tag-as nga opisyal, kinsa apil ang usa ka undersecretary, assistant secretary ug regional director.
Si Ombudsman Merceditas Gutierrez nagkanayon, girekomenda sa PAGC ang disciplinary action batok sa mga masupilong opisyales sa pagpangawkaw sa kaban sa gobyerno.
Sa tuig 2006, ang PAGC mirekomenda usab sa dismissal sa 32 ka mga opisyales sa gobyerno ug 14 niini ang na-dismiss, ang upat gisuspende ug ang usa gihatagan og reprimand.
Sukad sa Enero karong tuiga, ang PAGC nakahimo og 31 ka mga rekomendasyon alang sa disciplinary action.
Tungod niini ang gobyerno sa Pilipinas mo-istablisar og usa ka anti-graft body nga susama ngadto sa Transparency Information Bureau Consultations nga gimugna sa mga concerned sectors sa pagsiguro nga ang sistema dili mopalangan sa mga proyekto kun pag-introdyus na unya sa dili mahinungdanong pag-uyon.
Dugang ni Gutierrez ang pagmugna og anti-graft body mopakita nga ang gobyerno lig-on sa paningkamot niini nga himuon ang ekonomiya nga mas mahigalaon sa patigayon kun "business-friendly" aron makunhoran ang galastuhon sa pagmugna og negosyo pinaagi sa pagputol sa red tape ug kalaksutan sa mga buhatan sa gobyerno. (PIA-SarGen) [top]
