Cebuano News: PGMA giinspeksyon ang bag-ong building sa Legazpi City
Ni Fred Dellava
General Santos City, (5 July) -- Gi-inspeksyon ni Pangulong Gloria Macapagal-Arroyo sa miaging adlaw ang Bagumbayan Central School sa dakbayan sa Legazpi, usa ka bag-ong gambalay tulunghaan nga magsilbing modelo batok sa unsa mang kalamidad nga mahitabo unya.
Ang P2.3-million all-weather Learning And Public Use School kun (LAPUS) building adunay duha ka mga classrooms diin makapahiluna og 63 ka mga estudyante ang matag-usa niini.
Ang matag classroom aduna usab komidor ug duha ka mga comfort rooms, ang mas dako niini nga CR alang sa mga kababayen-an ug mga Person with disabilities (PWDs).
Isip evacuation center, ang usa ka classroom makapahiluna og 12 ka mga pamilya.
Sumala pa sa mga magtutudlo, ang naasoyng eskwelahan sagad nang ginahimong evacuation center atul sa pag-atake sa bagyo ug pagbuto sa bulkang Mayon. (PIA-SarGen) [top]
