Cebuano News: Mindanao Peace and Security Summit pagaluwatan karong Hulyo 8-10
Ni Fred Dellava
General Santos City (5 July) -- Nakatakda nga i-organisa ni Pangulong Gloria Macapagal-Arroyo karong Hulyo 8 ngadto sa 10 ang Mindanao Peace and Security Summit sa dakbayan sa Cagayan de Oro.
Si Deputy National Security Adviser Pedro Cabuay nagkanayon, si Pangulong Arroyo isip ulo usab sa National Security Council (NSC) madasigon gyud sa pagpatuman niining panagpulong.
Tumong niini nga palig-unon ang mga pamaagi batok sa terorismo ug hisgutan ang mga suliran sa mga stakeholders kinsa responsable sa pagpatuman niini.
Dugang ni Cabuay, nga gilauman usab atul sa naasoyng panagpulong ang paghimo og usa ka kasabutan mahitungod sa ilang saad ngadto sa gobyerno nga makigbisog batok sa terorismo. (PIA-SarGen) [top]
