By Rodrigo S. Victoria

Manila (17 July) -- Ang power generator Aboitiz Power Corporation (APC) misapubliko kagahapong adlawa diin walay lain kun dili si Presidente Gloria Macapagal Arroyo ang mipaila sa initial public offering (IPO) sa kompaniya sa Philippine Stock Exchange (PSE) sa Makati City.

Si Presidente Arroyo nga giubanan ni Trade and Industry Secretary Peter Favila ang nanguna sa seremonyas sa pagbagting sa kampana nga mauy timailhan sa pagsugod sa mokabat ug duha ka bilyon nga primary shares sa APC ngadto sa publiko sa tag P5.80 matag share.

Si PSE chairman Jose Vitug kinsa mitawag sa pag-apil sa APC ngadto sa IPO isip "record-breaking ug makasaysayanon nga hitabo" nagkanayon nga ang kompaniya nagbana-bana nga makakuha ug P10.1 ka bilyon nga kita gikan sa pagbaligya nga "nagrepresentar sa pinakadako nga kantidad nga nakita sa lokal nga power-generating nga kompaniya pinaagi sa pagbaligya ngadto sa publiko sa ilang primary stock."

Apan siya mitataw nga kini nga record dili "molungtad ug dugay" kay mas daghan pang mga kompaniya ang nakakita sa "pagkamadanihon" sa pag-apil ngadto sa IPO ug siya nagbana-bana nga makakita ug lain pang IPO-record breaker sa umaabot.

"Ako nakasabot gikan sa atong mga tawo nga nagpakisusi nga sa ika-tulo nga quarter niining tuiga lang, ang equity gikan sa mga kalihukan sa pagpangita ug kapital tingali moabot ug P80 ka bilyon diin mao kini ang dalan nga mahi-una pa sa record level sa miaging tuig," matud pa ni Vitug.

"Ako nagtuo nga mas daghan pang mga korporasyon ang makakita sa rota sa IPO nga mas madanihon tungod sa makanunayon nga pag-abante sa atong merkado," dugang pa ni Vitug.

Siya miila sa gobyerno sa paborable nga nahimo sa merkado, sa pag-ingon:" Kini dili mamahimong posible kung dili tungod sa mga kalambuan sa merkado sa atong macro-economic nga palibot."

"Sa makausa pa, ako mikuha niini nga oportunidad sa pagpasalamat sa atong gobyerno, sa PSE Board, sa nagdumala ug mga trabahante kauban ang mga stakeholders sa merkado sa kapital sa ilang parte sa pag-umol sa paborable nga dagan sa pagsaka sa mga presyo ug offerings sa stock," matud pa ni Vitug.

Ang APC mao ang naghupot nga kompniya nga nagkontrolar sa power generation ug distribution utilities sa Aboitiz Equity Ventures.

Ang kompaniya midugang sa ilang mga interes tale sa hydroelectric power generation ug thermal generation nga mga pasilidad.

Ang APC nagkontrol sa sobrang 800 megawatts (MW) sa gitaud nga generating capacity karon diin ang 411 MW nagagikan sa maong kompaniya.