Cebuano News: PGMA gipahimangnoan ang mga opisyales sa NHA nga ikonsidera ang panginabuhian sa mga iskwater
Manila (25 July) -- Gipahimangnoan ni Pangulong Gloria Macapagal-Arroyo ang mga opisyales sa National Housing Authority (NHA) nga ikonsidera ang panginabuhian sa mga iskwater nga gipahiluna sa bag-ong relocation site, diin kabahin sa proyektong pabalay sa administrasyong Arroyo.
Matud kang Pangulong Arroyo, angay gyud nga sila padayong makabaton og access sa mga trabaho ug uban ang mga dalangpan nga pwedeng panginabuhian.
Subay niini, giisyu sa Presidente ang direktiba ngadto sa NHA atul sa iyang pagbisita sa Barangay Santol sa Lungsod sa Quezon niadtong miaging adlaw aron susihon ang suliran sa ubay-ubay nga mga pamilya nga molupyo gawas sa koral sa karaang Carlo Alberto High School campus, samtang ang uban anaa sa daplin sa dalan.
Sa dugang pa, gitawag sa Presidente si NHA-NCR Director Francisco Alican nga mangita pa og dugang laing luna sa San Jose del Monte kon sa Montalban kung asa paborable sa panginabuhian sa katawhan.
Dugang ni PGMA ang proposal sa NHA-NCR nga ipahiluna ang mga iskwater ngadto sa Palawan, dili kaayo haom sa mga pamilya gumikan layo kini alang sa ilang panginabuhian. (fbd/PIA-SarGen) [top]
