Cebuano News: PGMA milista sa mga importanting balaudnon nga ipadali sa Kongreso
Manila (26 July) -- Si Presidente Gloria Macapagal-Arroyo motigum sa dili madugay ang Legislative Development Advisory Council (LEDAC) aron hisgutan sa pagpadali ug pasa ang mga imporanting balaudnon sa Kongreso.
Ang mga importanting balaudnon milangkob sa:
- Pag-amenda sa Electric Power Industry Reform Act (EPIRA) nga magatahag ug daghang kahiguyunan ug competisyon sa mga kompanya sa kuryente aron mobarato ug samot ang balayronon;
Pagpadali sa komputerisasyon sa COMELEC;
- Pagpalig-on ug paghatag sa maluntarong kaayuhan sa mga hamtung o "senior citizens";
- Ang balaudnon sa pagbarato sa mga tambal o "cheaper medicines bill";
- Ug ang paghatag ug lig-ong balaudnon batok sa mga "election related violence" ug paghatag ug igong pundo sa mga grupo nga mobantay sa pinili-ay.
Sa iyang SONA sa miaging Lunes, gi-awhag usab sa Presidente ang kamaara nga mohimo ug balaudnon aron motubag batok sa mga "political violence"; sama sa pagprotehir sa mga testigo; pagpalig-on sa mga korte aron madali ang mga kaso ug ang paghatag ug grabeng silot sa mga mibuhat sa salaud, labina sa mga naa sa pwersa sa kagamhanan. (PIA Bohol) [top]
