Cebuano News: Gobyerno manguna sa pagbantay ug saktong paggamit sa mina sa nasud
Manila (26 July) -- Aron masiguro nga mabantayan sa kagamhanan ang pag-ugmad ug pag-amping sa tinubdan sa mina sa nasud, mipagawas si Presidente Gloria Macapagal-Arroyo ug usa ka Mando Ehikutibo o Executive Order No. 636, niadtong Hulyo 18; nga ibalhin ang superbisyon sa industriya sa mina gikan sa DENR ngadto sa buhatan sa presidente.
Ang maong mando usab mi- walay bisa, mo-amenda ug mahimong mohan-ay sa tanang mga polisiya ug kalihukan nga wala mahiayon sa maong mando.
Sa wala pa ang EO 636, ang Philippine Mining Development Corporation (PMDC), nga sakop sa DENR, mao ang mobantay ug mo-"supervise" kabahin sa maong idustritya.
Gumikan kay mi-kusog ug gi-tuohang modaghan ang mga langyanw'ng imbestor nga mo-mina sa nasud, gisuro sa presidente nga kini ma-"monitor" ug ma-ampingan ang maong tinugdan ug kinaiyahan.
Niining tuiga lamang, kapin na sa $500 milyones nga dagkong imbestor ang mipuhanan sa industriya sa mina sa nasud.
Gipaklaro usab sa presidente, nga mapatuman gyud ang mga balaudnon sa pag-amping sa kinaiyahan sa pagugmad sa industriya sa mina sa nasud. (PIA/Bohol) [top]
