by Rey Anthony Chiu

Manila (31 July) -- BINUGKO sa hiniusang pangandoy sa pagpatunhay sa kalinaw ug kahusay sa rehiyon, ang Russia ug ang Association of Southeast Asian Nations (ASEAN) gipaabot nga magtuki sa mga pamaagi aron lig-onon pa ang panag-alayonay sa pagsumpo sa terorismo ug krimen nga transnational, atul sa ika 40 nga ASEAN Ministerial Meeting (AMM) ning semanaha didto sa Philippine International Convention Center (PICC).

Una nga nga gisugyot sa Russia ang paghulma sa hiniusang pundok nga nganlan og ASEAN-Russia aron magtuki sa terorismo, tataw nga pagpayuhot sa drugas ug pagpalusot og kwarta. Kini nga sugyot pinasubay sa hiniusang deklarasyon sa ASEAN-Russia sa pagtambayayongay sa pagsumpo sa International Terrorism.

Nasinati na sa Russia kinsa katambayayong na sa ASEAN sukad niadtong 1996, ug mga nasud nga sakop sa Asean ang hulga sa atakeng pangterorista ug buot na nila nga palig-onon na ang depensa batok sa global terrorism.

Subay niini, makigtigum si Russian Foreign Minister Sergey Lavrov sa iyang mga katumbas sa 10 ka nasud nga sakop sa ASEAN sa Post Ministerial Conference ning semanaha.

Isis nasud nga gitahud ug permanenteng sakop sa United Nations Security Council, ang Russia mihimo na og bililhing lakang aron paghulma sa politikanhong kahapsay ug seguridad sa Asya.

Gilagdaan sa Russia niadtong 2004, ang ASEAN Treaty of Amity and Cooperation (TAC), isip batayan sa relasyong pangnasud sa rehiyon. Gilagdaan usab sa China ang TAC.

Kahinumduman nga niadtong 2003, gilagdaan usab sa Russia ug ASEAN and hiniusang deklarasyon sa Pakig-alayon alang sa Kalinaw, Tingusbawan ug Kaugmaran sa Asia Pacific.

Samatang wala pa kabuylo ang relasyong patigayon tali sa mga sakop sa ASEAN ug Russia, ang duha ka panid nag-ugmad na sa kasabutang ekonomiya aron padak-an pa ang