MANILA (31 July) -- Ang Association of Southeast Asian Nations (ASEAN) sa Dominggo nagtawag sa lima ka dagkong permanenteng miembro sa United Nations tibuok nasud - ang Estados Unidos, Russia, United Kingdom, France ug China - ug ang kasamtangang nuclear powers sa India ug Pakistan sa pag-apil sa Southeast Asia Nuclear Weapons Free Zone (SEANWFZ) Traty Protocol.

Ang foreign ministers sa ASEAN nag-isyu ug panawagan sa dihang nagtuon sila sa 10-ka-tuig nga nuclear weapons ban treaty atul sa 40th ASEAN Ministerial Meeting (AMM), matud pa ni Foreign Affairs Secretary Alberto G. Romulo sa usa ka press conference nga gihimo sa Philippine International Convention Center (PICC) sa Dominggo sa gabii human sa gipahigayon nga informal dinner kauban sa ASEAN nga mga miembro.

Ang Pilipinas kasamtangan nga nanguna sa ASEAN ug pag-abi-abi karong semanaha sa 40th AMM diin pormal nga gi-ablihan kagahapon (Lunes), ang Post Ministerial Conferences (PMC) ug ang 14th ASEAN Regional Forum (ARF) human sa malamposon nga 12th ASEAN Summit ug Related Meetings sa Cebu kaniadtong Enero.

Si Romulo kinsa maoy nagdumala sa unang tigum sa Commission for the Southeast Asian Nuclear Weapons Free Zone, nanawagan usab sa mga nasud nga mi-apil sa SEANWFZ apan wala pa moaprobar sa Comprehensive Test Ban Treaty (CTBT) sa paghimo na.

Ang tanang ASEAN nga miembro wala pa mopirma sa CTBT. Ang CTBT naghulat sa pag-aprobar sa Brunei Darussalam, Indonesia, Malaysia, Mynamar ug Thailand.

"Gusto kita nga kining rehiyon malibre gikan sa hulga sa nuclear. Dugang sa pagkab-ot sa P-5 nga miembro, gusto usab kita nga makasiguro nga magpabilin kitang nuclear-free ug mosunod kita sa kasabutan. Dugang pa, mao ang pagsiguro nga ang nuclear nga kabtangan magpabilin alang sa sibilyan ug malinawon nga tumong," si Romulo miingon.