Tagbilaran City (3 August) -- Ang Departamento sa Agrikultura (DA) mohimo ug dugang nga panagang aron mobalin ang Pilipinas sa usa ka tulo ka mga nasud sa Kasagpang Silangang bahin sa Asya o Southeast Asia nga wala gyud matakbuyi sa sakit nga "avian influenza" (AI) o "bird flu virus.

Ang laing duha mao ang Singapore ug Brunei.

Mao kini ang gitaho ni Arthur Yap, kalihim sa departamento, nga ang Bureau of Animal Industry (BA), mopatuman sa ilang "Avian Influenza Protection Program (AIPP).

Apil sa maong programa mao ang pagmugna ug mga "special task force" ug "emergency responses" nga plano sa mga kalungsuran kon unsaon pagpangandam ug pagtagad kon posibleng mahidangat ang AI.

Dugan usab ni Dave Catbagan, Hepe sa BAI; apil sa pagpangadam mao ang pagdugang ug kahibalo sa maong sakit sa mga lalawigan ug mga kalungsuran, paghimo ug bansay-bansay kon unsaon kini malikayan, ug ang pagawhag sa mga lokal nga pangatundanan sa pagduso ug balaod aron mapalig-on ang programa.

Aduna nay gilantaw ang BAI nga 20 ka gitawag ug "critical areas" nga posibleng mamahimong agina-an o risgo sa maong sakit; sama sa mga utlanan ug kabayanunan ug mga lugar na diin daan ang binuhi nga pato o itik.

Sumala sa talaan sa World Health Organization (WHO), aduna nag 192 nga nangamatay sa 318 nga natakbuyan sa maong sakit.