by Flor Jackson

Manila (5 August) -- Ang Philippine Militrary Academy (PMA) sa maka usa pa nagtawag sa tanang mga batan-ong Filipino nga mokuha sa tinuig nga Entrance Examination karong Agosto 26, 2007. Ang maong eksamin ipahigayon sa 27 ka mga examination centers dinhi sa tibuok nasud.

Sumala pa kang Capt. Dennis Solomon, PAF, Chief, PIO, PMA, ang malampuson nga kandidato nga makapasar sa eksamin pagahatagan ug usa ka well rounded ug libre nga edukasyon sa kolehiyo, makadawat ug kwarta nga allowance samtang nag eskwela ug higayon nga makaangkon ug progressive career komo usa ka opisyal sa Philippine Army, Philiipine Navy, o sa Philippine Air Force ug talagsaong higayon nga makaserbi sa atong yutang na-tawhan.

Aron ang usa ka candidate mo-qualify sa higpit kaayo nga admission requirements alang sa PMA Class 2012, ang usa ka aplikante kinahanglan usa ka natural born Filipino citizen; adnuna'y maayong pamatasan; wala'y asawa ug wala pa gyud makaasawa o makasal; aduna'y gitas-on nga 5' 4" alang sa mga lalaki ug 5' 2" alang sa mga babaye; dili molabaw sa 6' 4" ang gitas-on; dili usa ka adlaw nga molapas sa 22 anyos ang panuigon ug dili usab usa ka adlaw nga bata pa sa 17 anyos diha sa umaabot nga Abril 1, 2008.

Ang mga aplikante at least high school graduate nga adunay general average nga 85% o dili gani, senior high school student nga adunay general average nga 85% diha sa iyang third year sa high school ang gikinahanglan; ug siya makahimo sa minimum requirements alang sa physical fitness test.

Kadtong mga walk-in applicants dawaton usab ug sila gitambagan sa pagdala sa mga mosunod nga mga documento aron i-process: Form 137, NSO birth certificate ug duha ka buok nga 2x2 ID picture na adunay puti nga background.

Ang mga aplikante gisagdunan sa pag andam alang sa examination nga magalakip sa Algebra, Geometry, Grammar, Composition, Reading Comprehension, Verbal/Numerical Reasoning and Pattern Analysis.