Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 24 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/08/06

Waray-Waray News: Kilal-on an illegal nga recruiter

Tacloban City (August 6) -- Kainanglan nga mabaroan han tagsa-tagsa nga mulopyo an pangilal-an han illegal recruiter para makag-igmat ngan mapudngan ang paggigin usa nga biktima. An POEA nagpapahimatngon han iba iba nga pangilal-an han usa nga illegal nga recruiter.

Kun an imo recruiter nasukot dayon han placement fee o anuman nga kabaraydan ngan diri naghahatag hit resibo, illegal recruiter hiya.

An usa nga illegal recruiter nag-sasaad hin kadagmitan nga pag-lakat tikadto ha langyawan, ngan nagre-require dayon han medical examination o training bisan waray pa malamrag nga employer o kontrata.

Usa pa nga pangilal-an, an illegal recruiter nakikipag-transaksiyon ha mga aplikante diri ha opisina han lisensyado nga ahensiya, kundi ha mga pampubliko nga mga lugar sugad han restaurant, malls, ngan iba pa.

An sering han POEA, kun nagbabalay-balay mag-recruit hin mga aplikante, pag-ikmat, illegal recruiter iton.

Pag-ikmat gihap ha recruiter nga diri nahatag han eksakto nga impormasyon parte ha ina-aplayan nga trabaho, illegal gihap iton.

An usa nga illegal recruiter nagsesering nga may ada niya kaistorya nga direct employer ngan an mga aplikante diri na kainanglan umagi pa ha POEA.

Kun nagsasa-ad an recruiter han kadagmitan nga pag-lakat han aplikante ngan an gagamiton tourist o visiting visa, diri working visa, tingali usa hiya nga illegal recruiter.

Illegal an recruiter kun waray niya naipapakita nga employment contract o working visa, diri ngani nagpapakilala nga empliyado han usa nga lisensiado nga recruitment agency pero waray niya naipapakita nga ID.

Kun nagpapakilala hiya nga konektado ha usa nga travel agency o training center, usa hiya nga illegal recruiter kay nasabot kita nga an ahente ha recruitment agency diri puwede magin konektado ha usa nga travel agency.

Pananglitan nag-aaghat hiya ha mga aplikante nga magbiling hin iba pa nga aplikante para mapadagmit an pagkalakat, ini nga recruiter illegal gihapon.

Kun an recruiter waray ginhahatag nga eksakto ngan tinuod nga impormasyon parte ha iya kalugaringon sugad han iya bug-os niya nga ngaran o address, usa hiya nga illegal nga recruiter.

An illegal recruiter nagsasa-ad nga an mga dokumento isusulod niya ha POEA para mai-process (labi na ha kaso han EPS-Korea).

Ha iba nga bahin, an illegal recruiter aaghaton niya an aplikante ha pagsering nga nakapalakat na hiya han usa o sobra pa gamit an tourist visa.

Panumduma la naton nga an mga illegal nga recruiters makarit mangumbirsir para hira makauwat. Sanglit, bisan tungod ha panghinanglan, karuyag gud naton makatrabaho ha langyawan, ayaw kita pag-dagmit, panginano kita para diri kita mabiktima han mga illegal recruiters. (PIA 8) [top]

|«  prev  next  »|
DAILY NEWS LIST:
»Region 8 commemorates National Hospital Week and National Breastfeeding Week
»Waray-Waray News: Kilal-on an illegal nga recruiter
»Feature: Solidarity, religiosity and rich cultural heritage shine in Tanauan day and fiesta
»Young English teacher from Leyte among this year's outstanding teachers
»Future bright for 10-member ASEAN, dialogue partners say
»Benefits of Catbalogan citihood to be felt in 2008, says mayor
»Officials turn search for Miss Manaragat 2007 into search for first Miss Catbalogan City
»Sec. Yap cheers drought-affected farmers
»NCIP awards P17 million for basic services to IPOs
»NASECORE asks BENECO to refund consumers PPA overcollection
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines