Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 26 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/08/06

Cebuano News: Dungan nga pagpasuso sa inahan gilaan sa Agosto 8

By Lanie Pitao-Tupaz

Manila (6 August) -- Ang pagpasuso sa inahan mas makabenepisyo sa kahimsog sa inahan ug sa bata, sa atong ekolohiya, sa atong ekonomiya, ug pakatabang sa pagpalig-on sa relasyon sa pamilya.

Mao kini ang mensahe nga buot ipaabot sa Philippine Lactation Resource and Training Center (PLRTC) ngadto sa mga chief executives ug mga local government units sa nasud samtang nagselebrar sa World Breastfeeding Week (WBW) uban ang 120 ka mga nasud sa tibuok kalibutan karong Agosto 1-7.

Ang mga Pilipino migasto ug kapin sa P25 milyones matag tuig sa dili kaayo importante ug makapameligro sa ilang panglawas nga unta kini nga salapi magamit pa sa katilingbanong serbisyo aron mapalambo ang nasud, sumala pa ni Dr. Elvira Henares-Esguerra, Director sa Children for Breastfeeding, Inc.

Siya midugang nga matag tuig, ang mga kompanya sa gatas mipalit ug P3.1 bilyones nga milk formula ug mibaligya niini sa mga lumulupyo sa kapito ka pilo nga presyo o P21.5 bilyones ug ang mga ginikanan migasto ug P536 milyones alang sa galastohan sa pagkamatay sa 16,000 ka mga bata.

Migasto usab sila ug P3.5 bilyones alang sa medisina ug pagpatambal sa mga ginatas nga mga bata kinsa naapektohan sa mga sakit sama sa hubak, pagtae, ubo ug malnutrisyon ug nalugi ug P1 bilyones nga suweldo tungod sa pagkalangan sa trabaho.

Ang mga kabus nga pamilya migasto ug mokabat P7,280 o 30% sa kita sa pamilya sa pagpalit ug milk formula samtang libre ang gatas sa inahan, sumala pa ni Esguerra.

Matod pa ni Esguerra, ang pagpasuso mao ang pinakalisod makab-ot ug pinakabarato nga pamaagi pagbuntog sa kakabus sa mga nagtikauswag nga mga nasud sama sa Pilipinas diin ang kultura sa pagpasuso nagtikawala na.

Ang gatas sa inahan mao lamang ang perpektong pagkaon alang sa mga bata. Kini makapalig-on sa immune system sa bata ug makaiban sa peligro sa mga sakit sama sa sobrang pagtambok, sakit sa kasingkasing, diabetes sa mga kabataan, cancer, ug lain pang mga sakit.

Ang pagpasuso manalipod usab sa mga inahan batok sa hemorrhage og pagdinugo, sa daghang klase sa cancer, diabetes, ug osteoporosis ug makatabang usab sa inahan pagpauli sa lawas gikan sa pagburod ug pagpanganak.

Tungod niini, ang PLRTC miawhag sa mga LGUs nga walay pondo, donasyon, o sponsorship gikan sa mga industriya nga nagduso sa mga milk formula ug uban pang mga produkto nga pagadawaton alang sa selebrasyon sa World Breastfeeding Week pinasubay sa international standard of ethics.

Samtang ang PLRTC manguna sa pagpahigayon sa Synchronized Breastfeeding Worldwide sa Agosto 8 isip pasunod nga kalihokan sa unang Guinness World Record on simultaneous Breastfeeding in Multiple Sites nga gilakipan sa 16, 000 ka mga inahan sa pinakulahing pag-ihap sa kapin 400 sa nagkalain-laing dapit sa tibuok nasud.

Uban sa Technical Skills and Development Authority (TESDA) ug sa Guineess World Record sa dungan nga pagpasuso sa usa lamang ka dapit sa miaging tuig, ang Pilipinas milupig sa record sa USA nga 1,130 ka mga inahan nga nagpasuso sa tuig 2002 sa dihang 3,541 ka mga nagpasusong inahan ang milakip sa usa lamang ka dapit sa Pilipinas, sumala pa ni Esguerra. (PIA Biliran) [top]

|«  prev  next  »|
DAILY NEWS LIST:
»Region 8 commemorates National Hospital Week and National Breastfeeding Week
»Waray-Waray News: Kilal-on an illegal nga recruiter
»Feature: Solidarity, religiosity and rich cultural heritage shine in Tanauan day and fiesta
»Young English teacher from Leyte among this year's outstanding teachers
»Future bright for 10-member ASEAN, dialogue partners say
»Benefits of Catbalogan citihood to be felt in 2008, says mayor
»Officials turn search for Miss Manaragat 2007 into search for first Miss Catbalogan City
»Sec. Yap cheers drought-affected farmers
»NCIP awards P17 million for basic services to IPOs
»NASECORE asks BENECO to refund consumers PPA overcollection
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines