Cebuano News: Kita sa gobyerno sa pagluwas sa high-value crops milambo
Ni Fred Dellava
General Santos City (6 Agosto) -- Milambo karon ang kinitaan sa gobyerno sa export sa mga high-value crops sama sa mga lubi, pinya, mangga ug saging. Ang Departamento sa Agrikultura nagbutyag di lamang dugay.
Nagpabilin karon isip nag-unang agricultural merchandise exports sa Pilipinas ang nahisgutang mga produkto human ang impresibong pag-usbaw niini ngadto 15.84 porsyento kon 1.041 bilyones dolyares sulod sa unang upat ka bulan ning tuiga.
Sa usa ka taho ngadto kang DA Secretary Arthur Yap, gikanayon ni Undersecretary for Special Concerns Bernadette Romulo-Puyat nga wala pa malakip ang halin sa mga agricultural machineries, sama sa reapers, processing machines ug machine parts overseas sa kalamboan sa kinitaan niini sa export.
Nasayran ang kinatibuk-ang merchandise exports miabot sa kapin uno bilyones dolyares gikan sa Enero ngadto Abril ning tuiga, mas taas itandi sa susamang panahon sa nakalabayng tuig 2006.
Matud ni Romulo-Puyat, kun malakip na ang halin sa mga agricultural machineries sa kinatibuk-an, ang kantidad sa export mo-abot na sa kapin 3 bilyones dolyares.
Ang mga nasud sama sa Estados Unidos, Japan, Korea, Taiwan, ug Hong-Kong maoy nagpabiling country’s top markets matud pa niya sulod sa unang upat ka bulan ning tuiga. (PIA-SarGen) [top]
