Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 26 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/08/07

Cebuano News: Metro Gwapo kabahin sa programa sa gobyerno sa pagdani sa investors ngadto sa Metro Manila

by Flor Jackson

Manila (7 August) -- Sa pagtuo nga ang negosyo dili moangay sa hugaw nga palibot, ang Metro Manila Development Authority (MMDA) nag lunsad sa "Metro Gwapo, Pook na Bulok, Negosyo Hindi Papasok", usa ka proyekto nga adunay duha ka paak o sima nga nagalakip sa paglimpyo ug sa pag dani ug mga investors o mamumuhunan diha sa nanguna nga mga lugar sa metropolis.

Si MMDA Chairman Bayani Fernando, nga mao'y utok sa proyekto nga gitawag ug Metro Gwapo nag-ingon nga ang clean-up drive mao'y tubag sa direktiba ni Presidente Gloria Macapagal Arroyo sa pagpa-anyag ug pagpa-anindot sa Metro Manila.

Apan ang pag paningkamot sa pag limpyo kabahin lamang sa tibuok nga package, matod pa niya. Ang dako nga tumong niini mao ang paghimo sa metropolis nga business showcase ug sentro sa economic activity sa nasud.

Sa kinatibuk-ang panglantaw, ang limpyo nga palibot makadani gayud sa mga investors sa pagtindog sa ilang negosyo kontra sa hugaw nga palibot, dugang pa niya.

Si Fernando mipahayag sa proyekto nga "Metro Gwapo" diha sa "The Cabinet Speaks", usa ka senimana nga programa sa telebisyon nga gipasalida sa Channel 4 diin ang host sa programa mao si Press Undersecretary for Broadcast Martin Crisostomo.

"Ang proyekto nga 'Metro Gwapo' adunay panuyo aron ang matag pamilya sa Metro Manila maka-pasigarbo sa lugar nga ilang gipuy-an. Kini mag kinahanglan sa husto nga pag gamit sa siyudad nga atong gipauy-an. Metro Gwapito in 2008 ug Metro Gwapo in 2010. Ang proyekto dili lamang sa pagpa-anindot sa lugar apan labaw pa. Labing mahinungdanon sa tanan mao ang pagpa-usbaw sa kinabuhi sa mga tawo diha sa lugar," si Fernando nagkanayon.

Sa sinugdanan, ang proyekto nagalakip sa gitawag ug "Investors Corridor" sa Metro Manila nga gilangkob sa Ninoy Aquino International Airport (NAIA), Manila Domestic Airport, Roxas Boulevard ug Nagtahan. Ang proyekto sukad niadto gipakanap na aron kini maglakip na sa dagko nga agianan ug kalsada.

Ang maong proyekto magalakip sa traffic management, pagbalhin sa sidewalk vendors ug kadtong namuyo duol sa agianan sa tubig, ang pag identify sa metro walks ug bikeways, paglimpyo sa mga straktura nga anaa mahimutang sa daplin sa mga dagkong kalsada ug ang pag pintar niini ug kolor green, pink, yellow ug blue.

Itanom usab ang mga rayandayan nga mga tanom palumbay sa Metro roads.

Durante sa TV program, si Fernado naghangyo ngadto sa publiko sa pakig-tinambayayongay sa MMDA aron magmalampuson ang proyekto. Sa tuig 2010, siya nga-ingon nga ang "Double M" mahimo nang "MG" o "Metro Gwapo".

Ang Metro Manila nga gitawag usab ug National Capital Region (NCR) naglangkob sa mga siyudad sa Manila, Quezon, Caloocan, Pasay, Mandaluyong, Muntinlupa, Makati, Pasig, Marikina, Navotas, Las Pinas, Paranaque, Valenzuela, Malabon, Taguig ug San Juan ug ang lungsod sa Pateros.

Ang MMDA nga usa ka ahensya nga anaa ubos sa buhatan sa Presidente mao'y nagpahigayon sa pag plano, monitoring ug koordinasyon sa mga proyekto sa lugar. Sa ingon man, ang MMDA mag exercise sa regulatory ug supervisory authority sa paghatag sa metrowide services nga dili maapektohan ang autonomy sa local government units sa lugar. (PIA-Biliran) [top]

|«  prev  next  »|
DAILY NEWS LIST:
»Hadji Pundidato Mitmug is new DPWH-XI head
»Blessing of new NSO Davao office set
»HSA needs vigorous info drive - CHR XI
»Trade Expo goes green
»SM Davao joins Kadayawan
»New projects to rise on SM Davao
»RP ranks highest in non-breastfed babies
»Kapalong awards taxpayers
»Tacloban police nab 3 suspected drug pushers
»Resident Ombudsmen meet in Iloilo to strengthen fight vs graft and corruption
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines