Waray-Waray News: Presidente Arroyo karuyag mapalaksi an paghimo san Regional Specialty Hospitals
By Ailene N. Diaz
Catarman, Northern Samar (7 August) -- Si Presidente Gloria Macapagal Arroyo karuyag mapalaksi an paghimo san Regional heart, kidney ngan lung centers sa nasud para durudamo nga mga Filipino in makatagamtam san benepisyo san world-class medical ngan hospitals, nga mao in sayo san mga serbisyo sosyal nga ginbabalik san Presidente ngadto san mga tawo.
San kanya pagbagaw durante sa ika 21 nga anibersayo selebrasyon san St. Luke's Heart Institute sa Quezon City kahapon nga aga, an Presidente nagsugad nga an regional specialty hospitals in igbubutang san mga dagko nga syudad san nasud para sadton diri na nakakabiyahe ngadto sa Manila nga matagan sin chansa mabulong didto sa kanra mismo lugar.
An regional heart, lung ngan kidney centers, sugad ni Presidente in inisyal nga ig pa pilot sa Vicente Sotto Memorial Hospital sa Cebu, Davao Medical Center sa Davao, sa Northern Mindanao Regional Center sa Cagayan de Oro, Misamis Oriental ngan san Bicol Regional Center sa Legazpi City, sa Albay.
Para mapalaksi an implementasyon san proyekto, ginmanduan ni Presidente si Health Secretary Francisco Duque III para dugngan an "government equity coverage" san pundo tikang san savings nga narealizar tikang san hamubo nga bayad san nasud san debt equity sini.
Nagsugad an Presidente nga an tikakusog nga peso in nahimugso tikang san bag-o nga level san maturity nga security nga naabot san ekonomiya san Pilipinas.
"Maupay nga pankuartahan san nasud nagresulta sin pagharani san pag-ataman san panlawas ngadto san mga balay. Sugad ni Presidente
Dugang pa niya, nga sa bag-o nga pagkusog san ekonomiya, an gobyerno in nakabutang sin dyes mil (10,000) nga Botika Ng Barangay san iba iba nga lugar sa nasud.
An BnB, in sayo nga pro-poor nga proyekto ni Presidente Arroyo nga nagbabaligya sin mga common ngan over the counter nga mga medicina sa barato nga presyo nga gin iimdan nga may dako nga bulig san mga Filipino nga may mga sakit.
Labot sini, an Presidente nanawagan liwat sa congreso nga ipasa an importante nga lehislatura para sin hamubo nga presyo sin nga bulong ngan mapakusog an Senior Citizens Law.
Naglalaum liwat an Presidente nga an mag-upay nga mga doctor san St. Luke's in maghimo sin lehislatura para sin long-term geriatric care bilang pan publiko nga serbisyo san panlawas sa nasud.
Naghangyo si Presidente san mga doctors nga i promoter an maupay nga healthy living sayo nga pamaagi nga mapahamubo an causa san cardiovascular nga sakit, a nangunguna nga kausa san kamatay san mga Pilipino.
Naglalaum an Presidente san St. Luke's Institute nga bumulig kanya manalipod ngan magpasamwak san tagsa nga pamilya, san mga lugar san pantrabahuan, eskwelahan, organisasyon sibiko, local ngan national nga katawhan nga ig promoter an healthy lifestyle para mabuligan masiguro ngan an mga Filipino mahibaro san peligro san hypertension, ngan obesity kaupod na an iba pa nga peligro nga dara pareho san pagsegarilyo ngan san physical inactivity. (PIA Northern Samar) [top]
